17.9 C
Dushanbe

Вокуниши раиси ҷумҳури Қирғизистон ба ҳаводиси ахир дар марзи ин кишвар бо Тоҷикистон

Раиси ҷумҳури Қирғизистон дар изҳороти тозае дидгоҳи худро дар мавриди муноқиша ва даргирии ахири марзи миёни Тоҷикистон иброз дошт.

Тибқи гузориши радиои “Садои Хуросон” ба нақл аз дафтари матбуотии раёсати ҷумҳурии Қирғизистон Содир Ҷабборов дар изҳороти ҷадиде таъкид намуд, ки даргирии марзии рӯзҳои 28-30 майи имсол дар марзи Тоҷикистон тамомияти арзӣ ва истиклоли Қирғизистонро бо таҳдиди ҷиддӣ рӯ ба рӯ кард, аммо нерӯҳои мусаллаҳи ин кишвар бо иқдоми сари вақтӣ нагузоштанд муноқиша густариш ёбад ва муваффақ ба дифоъ аз қаламрави хеш шуданд.

Ин изҳороти раиси қумҳури Қирғизистон дар ҳоле садо медиҳад, ки бар асоси изҳороти Қумитаи давлатии амнияти миллии Тоҷикистон тарафи Қирғизистон сабабгори асосии оғози ин даргирӣ мебошад.

Зимнан Ҷабборов дастур дода аст бо таъсиси як комиссияи махсус ҷиҳатҳои ин ҳодиса мавриди баррасӣ қарор гирад. Вай аз мардуми Қирғизистон дархост карда, ки бо ҳифзи оромиш ба зиндагии хеш идома диҳанд ва таҳти таъсири таблиғоти расонаҳои ғаразварз қарор нагиранд.

Бинобар эъломи вазорати тандурустии Қирғизистон дар муноқиша ва даргирии ахир миёни марзбонони тоҷику қирғиз 36 шаҳрванди ин кишвар кушта ва 200 нафар низ маҷрӯҳ гардидаанд. Аз тарафи Тоҷикистон низ чандин нафар кушта ва даҳҳо нафар низ захмӣ гардидаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.

Аз истирдоди як тоҷик ба Душанбе пешгирӣ шуд

28-уми майи соли ҷорӣ аз истирдоди паноҳҷӯи тоҷик Сорбон Абдураҳимзодаи 30-сола аз Варшава ба Душанбе пешгирӣ шуд.