22.9 C
Dushanbe

Вокуниши Тоҷикистон дар хусуси ирсоли паҳподҳои эронӣ ба Русия

Вазорати корҳои хориҷии Тоҷикистон ба иддаои ҷониби Украина, ки мегӯяд, паҳподҳои эронӣ дар Тоҷикистон тавлид ва ба Русия ирсол мешаванд, вокуниш кард.

30-уми октябри соли 2022 Вазорати корҳои хориҷии Тоҷикистон дар саҳфаи фейсбукии худ иддаои журналист ва блогнависи украинӣ Дмитрий Гордонро, ки дар канали ютюбии худ зери унвони “Дар меҳмонии Гордон” гуфта буд, паҳподҳои эронӣ дар Тоҷикистон тавлид ва барои ҷанг дар Украина ба Русия фиристода мешаванд, рад кард.

Вазорати корҳои хориҷии кишвар дар ин баёнияи худ таъкид кардааст, ки “Тоҷикистон ба кишварҳои сеюм таҷҳизоти низомӣ содир намекунад.” Ва ҳамзамон иттилоъ медиҳад, мақомоти Киев низ дар ин бора аз Душанбе расман тавзеҳ нахостаанд.

Гуфта мешавад, Дмитрий Гордон ин иддаои худро нахуст дар бораи Узбекистон карда буд, вале Тошканд фавран онро рад кард ва сипас Гордон узрхоҳӣ карда гуфт, ки ба ҷои Тоҷикистон Узбекистон гуфтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.