25.9 C
Dushanbe

Як зан пас аз 25 сол аз зиндони бародаронаш озод шуд

Дар шаҳри Кобули Афғонистон як зан аз ҷониби нерӯҳои пулиси Толибон пас аз 25 соли ҳабси хонагӣ, ки бародаронаш ӯро онҷо зиндонӣ карда буданд, озод карда шуд.

Холид Задрон, сухангӯи пулиси Толибон дар Афғонистон дар шабакаи иҷтимоии X (собиқ Твиттер) навишт, ки пулиси Кобул бар асоси маълумоти дарёфтӣ дар минтақаи Даҳуми шаҳри Кобул амалиёти вежа гузаронид. Дар пайи ин амалиёт дар як хона нерӯҳои пулис тавонистанд занеро озод кунанд, ки солҳои тӯлонӣ дар ҳабси хонагӣ будааст.

Ин мақоми Толибон мегӯяд, пулис бародарони он занро ба иттиҳоми даст доштан дар ҳабси ӯ боздошт кард. Ва барои таҳқиқи вазъи саломатии зан, ӯро ба бемористон интиқол дода, таҳти муроқибати равонпизишк қарор додаанд.

Сухангӯи пулиси Толибон ҳамчунин навишта, ки аъзои ин хонавода аз панҷараи хона ба зан хӯрок партоб мекардаанд.

Ҳоло далели зиндонӣ шудани ин зан ба муддати 25 сол тавассути бародаронаш ва ҳамчунин гунаҳкори асосии ин ҷиноят мушаххас нашудааст. Вале ҳамчун гумонбар 4 бародараш ба боздоштгоҳ интиқол ёфта, таҳқиқоти ин парванда оғоз шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 3400 муҳоҷир дар 6 моҳ

Дар шаш моҳи аввали соли ҷорӣ наздик ба сениюм ҳазор муҳоҷири тоҷикистониро мақомоти Русия ихроҷ кардаанд.

Оғози гармои шадид дар Тоҷикистон ва фармони Раҳмон ба мардум

Шурӯъ аз имрӯз дамои ҳаво дар бархе минтақаҳои Тоҷикистон ба таври камсобиқа гармтар шуда, ва он мақомотро нигарон кардааст.

Боздошти “РАЛИК” баъд аз нашри наворҳои баҳсбарангез

Рэпсарои ҷавони тоҷик Рамазон Муродов, ки бо тахалуси "РАЛИК" маъруф аст, рӮзи 23-уми июл пас аз интишори чанд навори интиқодӣ боздошт шуд.

Ҳалокати 5 узви як хонавода дар Суғд

Бар асари як садамаи нақлиётӣ дар вилояти Суғд 5 узви як хонавода кушта ва ду каси дигар захмӣ шудааст.