Даҳҳо кушта ва захмӣ дар пайи даргириҳои мусаллаҳона дар Ироқ

Дар пайи даргириҳои мусаллаҳона дар пойтахти давлати Ироқ шаҳри Бағдод байни нерӯҳои интизомӣ ва ҷонибдорони Муқтадо Садр, яке аз рӯҳониёни шиа дар ин кишвар даҳҳо нафар кушта ва захмӣ шуданд.

Рӯзи душанбе Муқтадо Садр эълон кард, ки аз сиёсат канор меравад, дар пайи эълони ӯ, ҷонибдоронаш ба кохи раёсатҷумҳурии ин кишвар ҳамла карданд. Дар натиҷа қувваҳои интизомии бо гази ашковар хостанд муътаризонро дур кунанд, аммо даргириҳо шиддат гирифт.

Ба иттилои шабакаи “

Хушунатҳо дар Бағдод ва дигар шаҳрҳои Ироқ замоне авҷ гирифт, ки Муқтадо Садр рӯзи душанбе тасмим гирифт барои ҳамеша аз сиёсат канор меравад.

Оқои Садр яке аз чеҳраҳои руҳонии шиа ва сиёсии Ироқ ба шумор меравад. Эътилофи сиёсии ӯ дар интихоботи парлумонии моҳи октябри соли 2021 бештарини курсиҳои парлумонро соҳиб шуд. Аммо ба сабаби вуҷуди ихтилоф байни гурӯҳҳои сиёсӣ бо гузашти 9 моҳ ин кишвар натавонист ҳукумати расмиро ташкил бидиҳад. Ва ду моҳи пеш Садр аз намояндагони худ хост, ба сабаби нокомӣ дар ташкили ҳукумат аз парлумон истеъфо бидиҳанд.

Муқтадо Садр солҳои ахир аз ҳукуматдорон ба хотири “сиёсатҳои ғалат” интиқоди шадид мекард ва барои доштани як сиёсати хориҷии мустақил, ба хусус ҷудо аз ҳайманати Эрон эътилофи “Соирун”-ро роҳандозӣ кард. Ӯ бо ташкили ин эътилоф мехоҳад аз султаи Эрон дур бошад.