26.9 C
Dushanbe

Занони асирафтодаи тоҷикро аз паноҳгоҳҳои Сурия ба Тоҷикистон меоранд

Бино ба иттилои Радиои Озодӣ занон ва кӯдакони тоҷикро аз Сурия ба Тоҷикистон меоранд. Ин занону кӯдакон дар паноҳгоҳҳое зери назорати размандагони курд нигоҳдорӣ мешаванд. Мақомоти тоҷик барои баргардонидани 7 зану 20 кӯдаки тоҷик бо мақомоти курд гуфтугӯ доранд.

Тибқи иттилои Радиои Озодӣ сафорати Тоҷикистон дар Кувайт гуфтанд, ки роҳҳои бозгардонидани занону кӯдаконро бо мақомоти курд баррасӣ кардаанд.

Намояндаи сафорати Тоҷикистон дар Кувайт гуфтааст, ки 8-уми декабр ба паноҳгоҳи дигар мавсум ба “Ал-Ҳавл” барои номнавис кардани шаҳрвандони Тоҷикистон хоҳанд рафт. Дар паноҳгоҳи “Ал-Ҳавл” занону кӯдакони зиёде нигаҳдорӣ мешаванд, ки теъдоди онҳоро дар умум бештар аз 400 нафар мегӯянд.

Дипломати тоҷик гуфт, бо мақомоти курд, ки урдӯгоҳҳоро зери назар доранд, мулоқот кардаанд ва онҳо ваъда додаанд, ки барои баргардонидани шаҳрвандони Тоҷикистон кӯмак мерасонанд.

Ҳамчунин рӯзи 7-уми декабр як зани тоҷик аз урдӯгоҳи Рож ба Радиои Озодӣ гуфтааст, ки се сол боз дар ин паноҳгоҳ аст ва бори аввал бо мақомоти тоҷик аз наздик суҳбат кард.

Он зан иброз доштааст, ки шавҳарашро дар ҷанг куштаанд ва худаш ба нерӯҳои курд таслим шудааст ва ҳоло бо як фарзандаш дар урдӯгоҳи Рож зиндагӣ мекунад.

Рӯзи 5-уми декабри соли равон Вазорати умури хориҷии Тоҷикистон хабар дода буд, ки дар мулоқот бо намояндагони Салиби Сурх ва Файсал ал-Миқдод, вазири корҳои хориҷӣ ва муҳоҷирини Сурия, сафири Тоҷикистон Зубайдулло Зубайдзода, “масъалаи баргардонидани шаҳрвандони Тоҷикистон аз урдугоҳи ал-Ҳавлро баррасӣ кардааст”.

Бино ба иттилои нашр гардида дар урдӯгоҳи ал-Ҳавл ва ал-Ҳасакаи Сурия зиёда аз 500 зану кӯдаки тоҷик нигаҳдорӣ мешаванд.

Ин Занону кӯдакони тоҷик пас аз шикасти гурӯҳи ба ном “Давлати исломӣ” солҳои 2017-2018 ба дасти размандагони курд асир афтоданд ва ҳоло дар урдӯгоҳҳои зери назари Созмони Милали Муттаҳид дар чанд шаҳри Сурия нигаҳдорӣ мешаванд.

Тибқи оморҳои ахир то моҳи октябри соли равон дар умум дар худи паноҳгоҳи “Ал Ҳавл” ҳудуд 40 ҳазор зану кӯдаки доишиён аз 53 давлати дунё нигаҳдорӣ мешаванд. Баъзе давлтаҳо шаҳрвандоин худро ба ватанҳояшон баргардонидаанд ва баъзе дигар чандон моил нестанд, ки онҳоро баргардонанд, чун аз ояндаашон эҳсоси хатар мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид. 

Истеъфои сармуррабии футбол

Сармураббии дастаи пуровазадори "Регар-ТадАЗ"-и шаҳри Турсунзода аз мақомаш истеъфо дод.

Ҳалокати як ҷавони тоҷик бар асри раъду барқ

Бар асри боришоти зиёди жола ва зарби раъду барқ дар бархе манотиқи кӯҳистонии Тоҷикистон як нафар ба ҳалок расидааст.