28.9 C
Dushanbe

Зиёд шудани воридоти маҳсулоти нафтӣ ба Тоҷикистон

Воридоти маҳсулоти нафтӣ ба Тоҷикистон дар ҳафт моҳи соли ҷорӣ беш аз 411 ҳазор тоннаро ташкил дод, ки нисбат ба ҳамин давраи соли гузашта 27% зиёд аст.

Бино ба иттилои Агентии омори кишвар, воридоти маҳсулоти нафтӣ аз рӯи нарх ба андозаи 80% боло рафта, 338,5 млн долларро ташкил додааст.

Ҳиссаи маҳсулоти нафтӣ дар ҳаҷми умумии воридоти Тоҷикистон дар моҳҳои январ-июли соли ҷорӣ то 12,2% афзоиш ёфтааст. Дар ҳамин давраи соли 2021 он 8,5 фоизро ташкил медод.

Asia-Plus дар истинод ба Хадамоти зиддиинҳисории кишвар хабар медиҳад, ки Тоҷикистон ҳудуди 90 дарсади маҳсулоти нафтиро аз Русия, тақрибан 6% аз Қазоқистон ва як қисми нисбатан ками онро аз Узбекистон, Белоруссия ва Озарбойҷон харидорӣ мекунад.

Тоҷикистон аз соли 2013 ба таври имтиёзнок (бидуни пардохти боҷи гумрукӣ) аз Русия маводи сӯзишворӣ мехарад. Яке аз шартҳои асосии таҳвили имтиёзноки маҳсулоти нафтӣ аз Русия ба кишварҳои сеюм дубора содирот нашудани он мебошад.

Гуфта мешавад, ки ҶСК “Газпромнефт-Тоҷикистон” воридкунандаи асосии маҳсулоти нафтӣ ба Тоҷикистон ба шумор рафта, ин ширкат тақрибан 50 дарсади маҳсулоти нафтиро аз ҳаҷми умумӣ ба кишвар ворид кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.