-3.1 C
Dushanbe

Зиёда аз 120 кушта, захмӣ ва асир дар Бадахшон

Дар як ҳафтаи гузашта дар вилояти Бадахшони Афғонистон зиёда аз 120 нафар кушта, захмӣ ва ба дасти Толибон асир афтодаанд.

Акс аз сомонаи ББС

Бино ба иттилои ББС, Толибон дар ҳафтаи гузашта дар вулусволиҳои тобеи вилояти Бадахшони Афғонистон дасти кам 38 нафарро ба қатл расонидаанд.

Салоҳиддин Раббонӣ, раиси Ҷамъияти исломии Афғонистон бо интишори баёнияе қатли онҳоро “куштори бераҳмона” хонда, гуфтааст, ки аксари онҳо муҷоҳидон ва фармондеҳоне будаанд, ки барои “раҳоии мардум аз зулм ва ҷиноятҳои гурӯҳи Толибон дар вилояти Бадахшон ба муборизаи мусаллаҳона рӯй оварда буданд.”  

Инчунин Муиззуддин Аҳмадӣ, раиси Иттилоот ва фарҳанги Толибон дар ин вилоят гуфтааст, дар асари даргириҳое, ки байни нерӯҳои мухолифин ва Толибон сурат гирифтааст, се нафар аз Толибон низ кушта шудаанд.

Ҳамзамон раиси Иттилоот ва фарҳанги Толибон дар Бадахшон гуфтааст, дар ин набардҳои ахире, ки дар ин вилоят сурат гирифтааст, 78 нафар аз нерӯҳои мухолиф ба асорат гирифта шуда, 5 каси дигари онҳо низ захмӣ шудааст.

Гуфта мешавад, Толибон баъд аз дубораи сари қудрат расидан ба ҳама нерӯҳои мухолифе, ки дар муқобили онҳо силоҳ мебардоранд, онҳоро “Боғӣ”(саркаш, туғёнгар) номида, барои саркӯби онҳо иқдом мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.