14.9 C
Dushanbe

Зиндонӣ шудани як шаҳрванди Тоҷикистон дар Олмон бо иттиҳоми пайравӣ аз гурӯҳи ДОИШ

Рӯзи 26-уми январи соли ҷорӣ Додгоҳи Дюсселдорф як ҷавони 31-солаи шаҳрванди Тоҷикистонро бо иттиҳоми узвият дар гурӯҳи ДОИШ ба ҳафт соли зиндон маҳкум кардааст. Дар ин бора хабаргузории “Associated Press” иттилоъ дод.

Аз ин ҷавон Равшан Б. ном бурда мешавад. То ҳол аз ҷониби ӯ ва ё вакили мудофеаш вокунише ба ҳукми додгоҳ ироа нагрдидааст.

Ҳамчунин хабаргузории “dpa”-и Олмон навишта, ки ин шаҳрванди Тоҷикистон пеш аз эълони ҳукм “қисман ба гуноҳ иқрор карда” ва гуфтааст, “аз ончи рух дод, сахт пушаймон аст”.

Гуфта мешавад, қаблан айбдоркунандаи давлатӣ ба ӯ 8,5 сол маҳрум намудан аз озодиро хоста буд.

Қаблан расонаҳои олмонӣ навишта буданд, ки санҷиши телефони мобилии Равшан Б. дар ду соли пеш нишон додааст, ки “ӯ бо мақомоти баландпояи гурӯҳи “Давлати исломӣ” дар Сурияву Афғонистон дар тамос буд ва онҳо ӯву ҳамкоронашро барои анҷоми ҳамлаҳо дар Олмон ташвиқ кардаанд.”

Вале то ба имрӯз маълум нест, ки Равшан Б. дар мурофиаи додгоҳӣ ин бахши парвандаро пазируфтааст ё хайр.

Барои эълони ин ҳукм наздикони Равшан Б. ҳеҷ вокунише накардаанд. Ҳамчунин то ҳол назари худи маҳкумшуда ва вакили дифои ӯ дар ин бора дастарс нест.

Ёдовар мешавем, ки додситонии федералии Олмон алайҳи Равшан Б., ки аз моҳи марти соли 2019 дар ҳабс қарор дорад, рӯзи 21 июл бо иттиҳоми узвият дар созмони террористии ДОИШ ва чанд ҷинояти дигар айб эълон карда буд.

Дар ҳукми эълоншуда бар зидди ин шаҳрванди 31-солаи Тоҷикистон гуфта мешуд, ки ӯ бо ДОИШ ҳамкорӣ карда, дар пайи омода кардани амали террористӣ будааст. Ӯро ҳамчунин барои маблағгузории терроризм ва нақзи қонуни ҳамли силоҳ муттаҳам карда буданд.

Моҳи марти соли 2019 ҳамроҳи Равшан Б. 11 зодаи дигари Тоҷикистон низ дастгир шуда буданд, вале онҳоро баъдан раҳо карданд. Аммо рӯзи 15 апрели соли 2020 дар чорчӯби парвандаи Равшан Б. боз 4 зодаи Тоҷикистон – Азизҷон Б., Муҳаммадалӣ Г., Фарҳодшоҳ К. ва Сунатуллоҳ К. дастгир шуданд.

Як зодаи дигари Тоҷикистон, Комрон Зуҳуров дар поёни моҳи апрел дар чорчӯби ҳамин парванда дар Албания дастгир шуд ва додгоҳи Албания аллакай ҳукми истирдоди ӯ ба Олмонро содир кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.