Ҷомеа

Зубайдзода: теъдоди муҳоҷирон дар Кувайтро зиёд карданием

Сафири Тоҷикистон дар Кувайт гуфтааст, ки айни замон дар ин кишвар муҳоҷири кам дорем, вале дар оянда қасди зиёд кардани теъдоди онҳоро дорем.

Бино ба иттилои расонаҳои кувайтӣ, Зубайдулло Зубайдзода, Сафири Тоҷикистон дар Кувайт дар суҳбат бо расонаҳои ин кишвар гуфтааст, ки сеюмин нишасти гурӯҳҳои кории муштараки Тоҷикистон ва Кувайт аз 19 то 22-юми сентябри соли ҷорӣ дар шаҳри Душанбе баргузор мешавад.

Сафири Тоҷикистон, ки дар бораи 31-умин солгарди Истиқлоли Тоҷикистон дар назди расонаҳои арабӣ суҳбат мекард, гуфтааст, ки ҳанӯз тамоми зарфиятҳо ва имконоти ду кишвар барои густариши ҳамкориҳои илмӣ, тиҷоративу иқтисодӣ ва сармоягузӣ ба кор гирифта нашудааст.

Ҷаноби Зубайдулло Зубайдзода дар хусуси муҳоҷирони кории Тоҷикистон дар Кувайт таъкид кардааст, ки дар ҳоли ҳозир теъдоди онҳо кам аст, вале дар шароити хуб ба сар мебаранд ва дар оянда ҷамъи муҳоҷирони кории кишварамон афзоиш хоҳад ёфт.

Гуфта мешавад, муносибатҳои дипломатии Тоҷикистону Кувай дар 1995 расман барқарор карда шуданд. Кувай яке аз доротарин кишварҳои Халиҷ ва ҷаҳон аст ва мақомоти Тоҷикистон қасд доранд бо ҷалби бештари сайёҳони ин кишвар таваҷҷуҳи сармоягузорони онро низ ба соҳаҳои мухталиф ҷалб кунад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Ҷомеа

Ҷомеа

Бадахшону Исфара дар як рӯз нақшаи даъвати сарбозонро иҷро карданд

Ҷомеа

Дар рӯзи чоруми нишасти САҲА чӣ гуфта шуду чӣ гузашт?

Ҷомеа

Се рӯзи нишасти САҲА бе ҳузури намояндагони Ҳукумати Тоҷикистон гузашт

Тоҷикистон

Се донишманди тоҷик узви Фарҳангистони забон ва адаби форсии Эрон шуданд