-3.1 C
Dushanbe

1 ҳазор рубли русӣ наздик ба 200 сомонӣ шуд

Қурби рубли русӣ ба сурати камсобиқа дар муқобили тамоми арзҳои хориҷӣ, аз он ҷумла доллари амрикоӣ, евро ва

Имрӯз, 13-уми майи соли 2022 қурби рубли русӣ дар биржаҳои байналмилалии пул ба ҳадде боло рафтааст, ки дар чанд соли ахир онро таҷриба накарда буд.

Қурби рубли русӣ дар баробари доллари амрикоӣ ҳам ба сурати рекордӣ боло рафта, дар ин биржаҳо қимати 1000 доллари амрикоӣ баробар ба 64 ҳазору 560/583 рубли русӣ таъйин шудааст.

Арзиши евро ҳам дар муқобили рубли русӣ ба сурати рекорӣ дар ин чанд соли ахир суқут карда, имрӯз қурби 1000 евро дар баробар ба 67 ҳазору 114/123 рубли русӣ таъйин шудааст.

Бонки марказии Русия ҳам қурби рубли русиро дар баробари арзҳои хориҷӣ, аз он ҷумла доллари амрикоӣ ва евро ба сурати рекордӣ дар ин чанд соли ахир боло бурда, гуфтааст, ки қурби 1 доллари амрикоӣ ҳангоми харид баробар ба 59, 97 ва дар вақти фурӯш баробар ба 71,12 рубли русӣ аст. Аммо қурби 1 евро ҳангоми харид 62,26 ва ҳангоми фурӯш баробар ба 75,17 рубли русӣ аст

Дар ин биржаҳо арзиши 1000 рубли русӣ баробар ба 194-195 сомонӣ шуд. Аммо Бонки миллии Тоҷикистон қурби рубли русӣ дар баробари сомониро хеле камтар аз нархи биржаҳо таъйин карда, гуфтааст, ки 1000 рубли русӣ баробар 166 сомонӣ мебошад.

Пас аз оғози ҳамлаҳои Русия ба Украина ба рӯзи 24-уми феврали соли 2022 қурби рубли русӣ ба муддати ду ҳафта ба шиддат пойин рафт ва арзиши 1000 доллари амрикоӣ наздик ба 150 ҳазор рубли русӣ гардида буд, аммо баъд аз ҳафтаи аввали моҳи марти соли ҷорӣ зина ба зина дубора боло рафт ва акнун ба марҳилае расида, ки соли 2015-2016 қарор дошт.

Гуфтанист, Тоҷикистон зиёда аз ду миллион муҳоҷири корӣ дар ҳудуди Русия дорад ва болову пойин шудани қурби рубли русӣ натанҳо ба кисаи муҳоҷирон, балки ба буҷети хонаводаи онҳо ва дар маҷмуъ ба иқтисоди кишварамон низ таъсиргузор аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.