22.9 C
Dushanbe

12 соли зиндон барои муаллиф, муҳаррир ва ношири “Ҳаводиси рӯзгори ман”

Додгоҳи олии Тоҷикистон муаллиф, муҳаррир ва ношири китоби “Ҳаводиси рӯзгори ман”-ро дар маҷмӯъ ба 12 соли зиндон маҳкум кард.

Шоми 22-юми феврали соли 2024, журналист ва шоири шинохтаи тоҷик Зафари Суфӣ дар истинод ба манобеи худ дар Тоҷикистон дар саҳфаи фейсбукиаш хабар дод, ки Додгоҳи олии Тоҷикистон муллифи китоби “Ҳаводиси рӯзгори ман” Абдухалил Холиқзода, муҳаррири он Абдуқори Рустам ва ношир Суҳроб Раҷабзодаро ба зиндон маҳкум кард.

Ба қавли Зафари Суфӣ, дар Боздоштгоҳи муваққатӣ, ки баррасии парвандаи ин 3 нафар ҷарён дошт, “нависандаи саршинос, огоҳ, камназир ва меҳандӯст устод Абдуқодири Рустамро барои 4 солу 6 моҳ ва нависанда, соҳибкори шинохта, муаллифи китоби «Ҳаводиси рӯзгори ман» Аблухалили Холиқзодро 6,5 сол маҳкум ба зиндон кардаанд.”

Ҳамзамон ба дунболи нашри ин хабар сомонаи Радиои Озодӣ ҳам бо нашри як гузориш гуфт, ки тибқи ҳукми Додгоҳи олӣ, Суҳроб Раҷабзода, директори нашриёти “Ер Граф”-и шаҳри Душанбе, ки дар ин парванда ҳамчун ношир ҷалб шудааст, низ “ба 1 соли зидон” маҳкум шудааст.

Расонаӣ шудани хабари дар маҷмӯъ ба 12 соли зиндон маҳкум шудани ин 3 нафар, ки солҳо боз ҳамчун ходимони ҷамъиятӣ, яке ба сифати адабиётшинос ва нависанда, дувумӣ ҳамчун тоҷиру соҳибкор ва яке аз корофаринҳои шинохта ва савумӣ ҳамчун молики яке аз беҳтарин нашриётҳои хусусӣ дар Тоҷикистон ҳастанд, вокунишҳои зиёдеро дар дохил ва хориҷ аз Тоҷикистон ба вуҷуд овардааст.

Ба қавли донишманди хушноми тоҷик Адаш Истад аз Самарқанд: “Агар Турсунзода, Айнӣ, Нусратулло Махсум, Шириншо, Ғафуров, Мӯъмин Қаноат зинда мебуданд,ин аҳмақӣ рух намедод! Дар Тоҷикистон дар прократура ва суд(ба он сабаб русӣ ном бурдам, ки ҳануз болшевикӣ ҳастанд) мафкураи соли 37 ҳукмронӣ дорад. Ҳеҷ фарқе байни тройкаи Сталинизм ва адлияи Тоҷикистон намондааст. Ин воқеа обрӯи давлати Тоҷикистонро дар ҷаҳон ба мисли тути хасак рехт.Шакке нест, ки ин амалҳо бар зидди Президент низ шуда истодааст!”

Ин се нафар замоне аз ҷониби мақомоти Тоҷикистон боздошт шуданд, ки гурӯҳе аз кормандони Вазорати фарҳанги Тоҷикистон тобистони соли гузашта, баъд аз се моҳ гузаштан аз нашри китоби “Ҳаводиси рӯзгори ман” корзореро дар шабкаҳои иҷтимоӣ ва расонаҳои дохилӣ алайҳи муаллиф, муҳаррир ва ношири он ба роҳ монда буданд. Ба дунболи онҳо хеле дигар аз афроди шинохта, аз он ҷумла президент ва бархе кормандони Академияи илмҳои Тоҷикистон ҳам вориди амал шуда, аз мақомот хоста буданд, ки ба муҳтавои ин китоб баҳои ҳуқуқӣ бидиҳанд.

Гуфта мешавад, 15-уми августи соли 2023, Юсуф Раҳмон, додситони кулли Тоҷикистон дар бораи фаъолиятҳои адабии ин тоҷири муваффақи кишвар гуфта буд: “Ӯ фаъолияти худро ба таҳқири миллати тоҷик, ҷудо кардани минтақаҳои гуногуни мамлакат, таҳқири намояндагони маҳалҳо, барангехтани кинаву адоват, ҷудо кардан ба мазҳабҳо ва динҳои гуногун, ноорому ноамн намудани мамлакат равона намуда, дар китоби худ ҳамин масъалаҳоро навиштааст. Шахсан супориш додам, ки ин одамро ба ҳабс гиранд ва ӯ дар назди қонун ҷавоб мегӯяд.

Аммо раиси бемористони Ибни Сино дар оғози ҳамин китобаш мегӯяд: “Падидаи маҳалгароӣ зеҳни ҳар як фарди соҳибандешаро машғул медорад, зеро дар таърихи навини мо сабаби асосии бебандубориҳо низ ҳамин падида ба ҳисоб меравад. Умедворам, ҳоло, ки шароити мусоид фароҳам шуда ва ҷомеа ҳам асари асафбори ин падидаро таҷриба кардааст, бо кӯшиши зиёиён ва бахусус ҷавонон, ҷанбаи тафриқаандозии он коҳиш ёбад ва шояд рӯзе аз байн бурда шавад.” (Ҳаводиси рӯзгори ман, саҳ.-6)

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.