-3.1 C
Dushanbe

12 соли зиндон барои куштори ноболиғ

Додгоҳи шаҳри Бохтар Мадинаи Аҳмад, сокини ноҳияи Кӯшониёнро бо ҷурми куштори кӯдаки ноболиғ ба 12 соли зиндон маҳкум кард. Дар ин бора “

Бино ба иттилои манбаъ, Мадинаи Аҳмад дар рафти мурофиа бо қисми 3-и моддаи 110 (Қасдан расонидани зарари вазнин ба саломатӣ)-и Кодекси ҷиноятии Тоҷикистон гунаҳкор дониста шуда, ба муҳлати 12 сол маҳкум ба зиндон шудааст.

Ёдовар мешавем, ки 27-уми майи соли ҷорӣ Мадинаи Аҳмад, ки дар шаҳри Бохтар дар манзили иҷора ба сар мебурд, хонандаи синфи ду Зиёдулло Розиқовро латукӯб кардааст.

Зиёдулло бародарзодаи шавҳари ояндаи Мадина буда, бо хоҳиши ӯ кӯдакро нигоҳубин мекардааст.

Зимни бозпурсӣ Мадина гуфтааст, ки кӯдакро бо камарбанди мардона ба гумони он ки ӯ аз ҳамёнаш 200 сомониро дуздидааст, сахт латукӯб кардааст.

Дар натиҷаи латукӯб кӯдак ҳолаташ бад шуда, худи Мадина ёрии таъҷилиро даъват кардааст, аммо Зиёдулло дар роҳ ба бемористон ҷон бохтааст.

Мадинаи Аҳмад то замони боздошташ ба ҳайси котибаи директори мактаби рақами 8, ки Зиёдулло Розиқов низ дар он таҳсил мекард, кор мекард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.