Сафири Фавқулода ва Мухтори Ҷумҳурии Тоҷикистон дар Олмон ва Лаҳистон Имомуддин Сатторов эътимодномаи худро ба Президенти Лаҳистон Анджей Дуда супорид.
Супоридани эътимоднома рӯзи 2-уми июли соли 2025 дар Қасри Белведер, қароргоҳи расмии Президенти Ҷумҳурии Лаҳистон баргузор шуда, ҳамзамон ҷонибҳо дар мавриди ҳамкориҳои дуҷониба табодули афкор намуданд.
Гуфта мешавад, Сатторов донандаи забонҳои англисӣ, русӣ ва олмонӣ буда, дар солҳои 2007-2014 сафири Фавқулода ва Мухтори Ҷумҳурии Тоҷикистон дар Олмон, Лаҳистон ва Чехия буд. Ӯ аз соли 2014 то моҳи августи соли 2021 cафири Тоҷикистон дар Русия ва ҳамзамон 2016 то 2021 cафири Тоҷикистон дар Арманистон буд. Пас аз ин ӯ дубора дар январи соли 2022 сафири Тоҷикистон дар Олмон таъйин шуд.
Ба гуфтаи мунтақидони ҳукумати Раҳмон, замони сафарии Имомуддин Сатторов дар Русия барои муҳоҷирон ва дар умум шаҳрвандони Тоҷикистон дар ин кишвар мушкилот бештар шуду кам не. Аз ҷумла чеҳраҳои шинохтае, ки ҳамеша дар хидмати муҳоҷирон буданд, ба монанди шодраовн Каромат Шарифов, Иззат Амон вачандин нафари дигар боздошт ва ба Тоҷикистон истирдод шуданд.
Дар замони сафирияш дар Олмон низ чеҳраҳои шинохтае ба мисли Абдуллоҳи Шамсиддин, писари узви аршади ҲНИТ Шамсиддини Саид, узви фаъоли Гурӯҳи 24 Билол Қурбоналиев ва узви ҶИРТ Дилмурод Эргашев аз Олмон ба Тоҷикистон истирдод ва дар кишвар боздошту зиндонӣ шудаанд.
