26.9 C
Dushanbe

130 қатли мармӯз дар Қандаҳор

Вазорати умури дохилаи Афғонистон аз кушта шудани беш аз 100 шаҳрванди ғайринизомӣ дар манотиқӣ зери тасарруфи Толибон хабар дод.

Хабаргузории “Tolo News” аз қавли масъулони ноҳияи Спин Булдаки вилояти Қандаҳор хабард дод, ки беш аз 100 тан аз мардуми мулкӣ бо сабабҳои номаълум кушта шудаанд.

Ба қавли сокинон, омилони ин қатлҳои мармӯз худро афроди Таҳрики Толибон намедонанд, аммо мардуми маҳаллӣ мегӯянд, онҳо ба Толибон нисбат надошта бошанд, боздошт ва бояд муҳокима шаванд.

Фидо Муҳаммад Афғон, як узви Шӯрои вилоятии Қандаҳор, ки сокини ноҳияи Спин Булдак аст, ба “Tolo News” гуфта, ки афроди мусаллаҳи ношинос бо чеҳраҳои ниқобдор соати 12 шаби арафа ба хонаи ӯ ворид шуда, ду писарашро бурда ба қатл расонданд ва фардои он рӯз ҷасади онҳоро аз кӯча пайдо карданд.

Манобеъ дар вилояти Кандаҳор гуфтаанд, ки мардони мусаллаҳ даҳҳо тан ғайринизомиёнро аз хонаҳояшон бурда ба қатл расондаанд, ки то кунун қатли 130 нафар таъйид шудааст, вале тақдири даҳҳо тани дигар маълум нест.

Мақомоти Афғонистон ин ҳаракатро масъули кушторҳои мармузи шаҳрвандони бегуноҳ медонад. Аммо Толибон кушта шудани ин афроди мулкиро рад мекунад.

Дар ҳамин ҳол сухангӯи Ҳаракати Толибон, Муҳаммаднаими Вардак кушта шудани мардуми мулкӣ аз ҷониби ин ҳаракатро рад кард ва танҳо ду ҳолатро таъйид кард, ки ба қавли ӯ дар натиҷаи хусуматҳои шахсӣ рух додаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.