28.9 C
Dushanbe

16 ҳазор гектар заминҳои партов дар Хатлон

Танҳо дар вилояти Хатлон беш аз 16 ҳазор гектар заминҳои партовие вуҷуд дорад, ки беш аз 90 дарсади онҳоро заминҳои обӣ ташкил медиҳад.

Бино ба иттилои Хадамати матбуоти Президенти Тоҷикистон, имрӯз, 27-уми апрели соли 2023, Эмомалӣ Раҳмон дар ноҳияи Данғара дар муқобили садҳо нафар аз раҳбарон, фаъолони вилояти Хатлон ва аъзои ҳукумат гуфт: Дар вилоят қариб 16 ҳазор гектар заминҳои партов, аз ҷумла 14,4 ҳазор гектар заминҳои обӣ мавҷуданд, ки чунин вазъ хеле нигаронкунанда мебошад.

Ба қавли Эмомалӣ Раҳмон, “вилояти Хатлон дар ҳавзаи ду дарёи бузург – Вахш ва Панҷ қарор дорад”, ва “дар вилоят имконияти зиёд намудани майдони кишт аз ҳисоби ба гардиши кишоварзӣ даровардани заминҳои партов, бахусус заминҳои обии бекорхобида мавҷуд мебошад”, вале андозбандии беҳудаи мақомот боис шуда, ҳазорҳо гектар заминҳои обӣ ва лалмӣ ба шӯразор ва партов табдил шуда, аз истифода хориҷа шаванд.

Гуфта мешавад, обу ҳаво ва иқлими вилояти Хатлон ҳамчун калонтарин вилояти кишвар имконияти онро дорад, ки солона то 3-4 маротиба мардум аз заминҳои кишварзӣ ҳосил бигиранд, вале сиёсатҳои ғалати ҳукумат боис шуда, аксар нерӯи корӣ ва бахусус деҳқонони кишвар кор дар заминҳои худро канор гузошта, барои дарёфти ризқу рӯзии беҳтар ба муҳоҷирати корӣ сафар кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.