-4.6 C
Dushanbe

(no title)

Сарвазири кишвар Қоҳир Расулзода, роҳбарикунандаи Ситоди ҷумҳуриявӣ оид ба пурзӯр намудани тадбирҳои зиддиэпидемиявӣ  ва  пешгирӣ  аз паҳншавии  сирояти коронавируси COVID-19 дар Тоҷикистон, бо як муроҷиатномае аз мардуми кишвар хостааст, ки дар ин рӯзҳо аз эҳтиёт кор бигиранд, фосилаи байни якдигарро риоят намоянд, то зарур нашавад ба ноҳияву шаҳрҳо рафтуо накунанд ва аз барпо кардани ҷашну маросимҳо то интиҳои ин вабо худдорӣ бикунанд.

Ситод инчунин аз хавфи зуҳури дубораи вируси COVID-19 мардуми кишварро бар ҳазар намуда бо қотеият иҷрои қавонини беҳдоштиро талаб намудааст. Дар муроҷиатномаи ин Ситоди ҷумҳуриявӣ чунин омадааст:  “…ба маълумоти сокинони мамлакат мерасонад, ки дар аксар кишварҳои минтақа ва ҷаҳон мавҷи дуюми ин бемории сироятӣ хуруҷ карда,  ҳукуматдорони ин давлатҳоро барои тадбирандешиҳои иловагӣ дар мубориза бар зидди ин беморӣ водор сохтааст. Аз ҷумла, дар Ҷумҳурии  Мардумии  Хитой,  Ҷумҳурии  Ӯзбекистон,  Арманистон, Олмону Федератсияи Россия ва дигар давлатҳо баъди коҳиш ёфтани сатҳи гирифторшавии аҳолӣ ба ин беморӣ бинобар риоя нагардидани қоидаҳои пешгирӣ аз ин бемории сироятӣ, хусусан риоя нагардидани қоидаҳои гигиенаи шахсӣ ва ҷаъмиятӣ, инчунин бе ниқобҳои муҳофизатии тиббӣ гаштугузор намудани одамон аллакай паҳншавии сирояти коронавирус COVID-19 бештар гардидааст”.

Инчунин Ситод дар муроҷиатномаш аз шаҳрвандон хостааст, бе ниқоби муҳофизатӣ аз хона набароянд ва фосилаи байни якдигарро, ки ҳудуди ду метр аст, риоя кунанд. Дар идомаи муроҷиатнома сардори Сидот афзудааст, ки безарурат ба пойтахти кишвар шаҳри Душанбе сафар накунанд ва дар акси ҳол аз ниқобҳои муҳофизатии тиббӣ ҳатмӣ истифода намуда, қоидаҳои  гигиенаи  шахсию  ҷамъиятӣ  ва  қоидаҳои фосилаи иҷтимоиро  қатъиян  риоя  намоянд.

Акс аз «Asia-Plus»

Татбиқи ин тавсияҳо аз ҷониби шаҳрвандони кишвар ба гумони ғолиб чандон риоят намешавад. Зеро аз аксу наворҳои дар шабакаҳои иҷтимоӣ нашршуда пайдост, ки дар нақлиёти ҷамъиятӣ ва бозору кӯчаҳо мардум агарчи ниқоби муҳофизатӣ доранд, вале фосиларо риоят намекунанд. 

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.