-4.6 C
Dushanbe

28,2 млн евро мукофотпулии мунтахаби Италия

Мукофотпулие, ки футболбозони тими миллии Италия барои пирӯзӣ дар чемпионати Евро-2020 мегиранд, маълум шуд. Ҳар футболбоз тибқи маълумоти “спорт-экспресс” 250 ҳазор евро ба даст меорад.

Агар итолиёвиҳо дар финал аз Англия шикаст мехӯрданд, ҳар кадоме 200 ҳазор евро мегирифт. Тими миллии Италия агар аз даври ниманиҳоӣ ба финал намебаромад, мукофотпулӣ барои ҳар як нафар 150 ҳазор евро ва агар аз чорякфинал ба даври дигар намебаромад 80 ҳазор евроро ташкил медод.

Дар ин мусобиқа, тими миллии Италия аз УЕФА 28,25 миллион евро мукофотпулӣ ба даст овард. Мукофотпулӣ аз ҳамин маблағ ба футболбозон дода мешавад.

Ёдовар мешавем, ки финали қаҳрамонии Евро-2020 рӯзи 11-уми июл байни тимҳои миллии Анлия ва Италия дар майдони Лондон баргузор гардид. Англия дар дақиқаи дуюми бозӣ гол зад, аммо бартариро нигоҳ дошта натавонист ва дар нимаи дуввуми бозӣ Италия ҳисобро баробар кард. Дар вақти изофӣ ҳисоб иваз нашуд ва Италия дар зарбаҳои пеналтӣ бо ҳисоби 3:2 ғолиби Евро-2020 эълон шуд.

Тими милли Италия бори дуввум дар таърихи худ ғолиби ин мусобиқа гардид. Итолиёвиҳо қаблан соли 1968 дар финал тими миллии Югославияро мағлуб намуда, қаҳрамони Аврупо гардида буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.