300 ҳазор муҳоҷири меҳнатӣ ба сохтмонҳои Русия меоянд

Дар наздикҳангом Русия вуруди муҳоҷирони меҳнатиро барои кору фаъолият дар сохтмонҳои ин кишвар иҷозат медиҳад.

Ба гузориши хабаргузории "Спутник" Сергей Степашин раиси Шӯрои нозирони фонди манзили ва комуналии Русия гуфт, дар асраъи вақт 300 ҳазор муҳоҷири корӣ ба сохтмонҳои Федератсияи Русия оварда мешаванд.

Степашин, ки дар нишасте дар донишгоҳи давлатии муҳандисии Маскав (NRU MGSU) суханрони мекард изҳор дошт, ки ҳоло қарорҳо дар бораи хориҷиён дар сатҳи ҳукумат қабул карда мешаванд, ба ҷое 300 ҳазор нафар ҳатман оварда хоҳад шуд.  

Ба гуфтаи ӯ ҳукумати Русия як гурӯҳи корӣ байни идоравӣ таъсис дода, ки дар он қарор кабул карда мешавад ва касоне, ки барои кор ба сохтмонҳо меоянд дар онҷо кор мекунанд мизбон барои риояи ҳаққу ҳуқуқи онҳо ин шарт масъул хоҳад буд.

Сергей Степашин изофа намуд, ки дар ҳоли ҳозир дар бахши сохтмонҳо 1 миллиону 200 ҳазор коргар намерасад. Дар бахши кишоварзӣ низ норасоӣ мавҷуд аст, саноат дар мавсим 41 ҳазор нафарро талаб мекунад.

Қаблан Вазорати адлияи Русия аз ташаббуси иваз кардани муҳоҷирони меҳнатӣ бо маҳбусон хабар дода буд, ки 188 ҳазор нафар ҳак доранд ҷазоро бо меҳнати маҷбурӣ иваз кунанд.

Дар охири соли 2020 тартиби соддаи вуруди муҳоҷирони меҳнатӣ барои кор дар сохтмонҳои Русия ташкил карда шуд.  Ҳамзамон таҳиягар муваззаф аст қонунгузори амалкунандаи Федератсияи Русияро риоят кунад ва назорати санитариву эпидемиологиро таъмин намояд.