30.9 C
Dushanbe

50 млн доллар гранти навбатии БОР ба Тоҷикистон

Бонки Осиёии Рушд 50 миллион доллар гранти навбатиро барои дастгирии ҳукумати Тоҷикистон барои суръат бахшидани рушд дар бахши хусусӣ тавассути ташкили низоми устувори молиявӣ, тавсеаи дастрасӣ ба хизматрасониҳои молиявӣ ва такмили идоракунии молиявӣ, тасдиқ кард.

Тибқи иттилои дафтари БОР дар Тоҷикистон ин грант дар доираи марҳилаи якуми “барномаи беҳтар намудани бахши молиявӣ ва идоракунии молиявӣ” дода шудааст.

Ба назари Юҷи Мияки, масъули Идоракунии БОР дар Осиёи Марказӣ ва Ғарбӣ “Тоҷикистон тавоноии ба даст овардани рушди устувору фарогиртари иқтисодиро дорад”.

Дар идома Юҷи Мияки қайд кард, ки “Барнома дар ҳамоҳангии зич бо шарикони асосии рушд таҳия шуда, ислоҳоти ҳукуматро дар баланд бардоштани эътимоди бахши хусусӣ ва таҳкими бахши молиявӣ дар якҷоягӣ бо такмили идоракунии молиявӣ, ки ба афзоиши сармоягузории хусусӣ мусоидат хоҳад кард, равона шудааст.”  

Пештар аз ин БОР барномаи грантиро барои баланд бардоштани устувории молиявии соҳаи энергетика дар Тоҷикистон ва тақвият башидан ба ислоҳот дар он ба маблағи 105 миллион доллар тасдиқ карда буд.

Бонки Осиёии Рушд соли 1966 таъсис ёфта, саҳмдорони он 68 кишвар мебошанд, 49 кишвари он дар минтақаи Осиё ва Уқёнуси Ором ҷойгиранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.