-3.1 C
Dushanbe

€500 млн. ҳаҷми мубодилоти тиҷорати Тоҷикистону Эрон

Муҳаммадтақии Собирӣ, сафири Эрон дар Тоҷикистон дар суҳбат бо телевизиони шабакаи яки ин кишвар гуфтааст, ки дар як соли оянда сақфи мубодилоти тиҷоратии ду кишвар ба 500 миллион евро хоҳад расид.

Ба гуфтаи Собирӣ, колоҳои тиҷоротии Тоҷикистону Эрон такмилкунандаи иқтисоди ду кишвар ҳастанд. Эрон ба Тоҷикистон масолеҳи сохтмонӣ ва хадамоти фанни муҳандисӣ ва Тоҷикистон ба Эрон пахта ва алюмениюм содир мекунад.

Иброҳим Раисӣ, раиси ҷумҳури Эрон пеш аз сафараш ба Тоҷикистон гуфта буд, ки ин сафар саҳфаи ҷадидеро дар муносибатҳои ду кишвар боз хоҳад кард.

Ин ҳам дар ҳолест, ки Эмомалӣ Раҳмон, президенти Тоҷикитон 19-уми сентябр пас мулоқот ва ба имзо расидани санадҳои ҳамкорӣ байни Тоҷикистон ва Эрон гуфт: “Мо хоҳони густариши ҳамкориҳои иқтисодиву тиҷоратӣ ҳастем ва   зарурати талошҳои бештари сохторҳои соҳавиро ҷиҳати беҳбуди муомилоти тиҷоратии дуҷониба таъкид намудем.

Президенти Тоҷикистон таъкид кард: “Ба мақсади расидан ба ин ҳадафҳо пешниҳод намудем, ки ҷонибҳо “Барномаи дарозмуддати ҳамкориҳои иқтисодиву тиҷоратӣ байни Тоҷикистон ва Эронро то соли 2030” омода намуда,  ба имзо расонанд.”

Равобити Тоҷикистон бо Эрон дар соли 2015 баъд аз ҳодисаҳои хунини Душанбе, ки маъруф ба табаддулоти Ҳоҷӣ Ҳалим, собиқ муовини вазири мудофиаи Тоҷикистон мебошад, бад шуд ва дар муддат ба сардтарин ҳолати худ расида буд.

Тоҷикистон Эронро дар даст доштан дар қазияи Ҳоҷи Ҳалим дар соли 2015 ва дар қатлҳои занҷираӣ дар солҳои 1993-1997 ва пас аз солҳои ҷангии шаҳрвандӣ муттаҳам мекард, вале ҷониби Эрон пайваста ин иттиҳомоти Тоҷикистонро рад карда, ҳамзамон дар хеле мавридҳо сукутро авлотар медонист.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.