Ҷаҳон

СММ: Барои кумак ба ниёзмандон $51,5 млрд лозим аст

Созмони Милали Муттаҳид мегӯяд, барои кумак ба 230 миллион сокинони осебпазир дар 70 кишвари ҷаҳон, бояд соли оянда маблағи рекордии 51,5 миллиард доллар ҷамъоварӣ шавад.

Дар ин бора Мартин Гриффитс, ҳамоҳангкунандаи кумакҳои изтирории Созмони Милали Муттаҳид рӯзи 1-уми декабри соли ҷорӣ дар Женева хабар дод.

Гуфта мешавад, ин маблағ нисбат ба соли 2022 25% бештар буда, шумораи умумии ниёзмандон дар ҷаҳон, тибқи ҳисобҳои СММ, 65 миллион нафар афзоиш хоҳад ёфт, ки ин пеш аз ҳама ба ҷанг дар Украина, пандемияи COVID-19 ва тағирёбии иқлим марбут аст.

Ҳамзамон дар гузориши СММ гуфта мешавад, ки  беш аз 100 миллион нафар дар ҷаҳон овора ҳастанд. Даргириҳо ва тағйироти иқлимӣ, буҳрони оворагиро суръат бахшидааст.

Бино ба иттилои ҷаноби Гриффитс аллакай 13,6 миллион шаҳрвандони Украина кумак гирифтаанд ва дар маҷмуъ дар соли оянда барои ин кишвар 5,7 миллиард доллар дархост шудааст.

Дар идома муовини дабири кулли СММ қайд карда, ки ҳадди ақал 222 миллион нафар дар 53 кишвари ҷаҳон то охири соли ҷорӣ бо ноамнии шадиди ғизо рӯбарӯ хоҳанд шуд ва соли оянда 45 миллион нафар дар 37 кишвари ҷаҳон хавфи аз гуруснагӣ мурданро доранд.

Мартин Гриффитс дар охир эътироф карда, ки ҷамъоварии пурраи маблағ "хеле мушкил" хоҳад буд, чун дар соли 2022 СММ тавонистааст танҳо 47% маблағи аз пеш муайшударо ҷамъоварӣ кунад.  










Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Ҷаҳон

Тоҷикистон

Эмомалӣ Раҳмон Асадро аз Эрдуғон беҳтар медонад

Ҷаҳон

Пешгӯйи як муҳаққиқи Ҳоландӣ дар бораи заминларзаи Туркия

Ҷаҳон

Заминларзаи шадид дар Туркия садҳо кушта ва захмӣ баҷо гузошт

Ҷаҳон

Мавлавӣ Абдулҳамид: Иҳонат кардан ба зиндонӣ ҳаром аст!