Сафорати Тоҷикистон дар Туркия барои тоҷикистониҳои муқими ин кишвар, ки бар асари заминларза осеб дидаанд, телефони боварии худро фаъол кардааст.
Сомонаи сафорати Тоҷикистон дар Тукрия бо нашри як иттилоия эълом кардааст, ки омодааст, ки барои шаҳрвандони осебдидаи кишварамон, ки бар асари заминларзаи субҳи 6-уми феврал зарар дидаанд, кумак кунад.
Дар ин иттилоия таъкид шудааст: “Сафорати Ҷумҳурии Тоҷикистон дар Ҷумҳурии Туркия барои шаҳрвандони Ҷумҳурии Тоҷикистон, ки дар минтақаҳои Қаҳраманмараш, Хатай, Османия, Адияман, Газиантеп, Шанлиурфа, Диярбакир, Малатия ва Адана қарор доранд ва аз заминларзаи субҳи 6-уми феврал зарар дидаанд, телефони бовариро фаъол намудааст. Тел: + 90 312 491 16 07/+ 90 538 594 32 10 (WhatsApp)”
Гуфта мешавад, ин телефони боварии сафорати Тоҷикистон дар ҳоле фаъол шудааст, ки беш аз даҳ ҳазор шаҳрвандони кишварамон дар Тукрия сукунат ва кору зиндагӣ мекунанд. Теъдоди донишҷӯён ва донишомӯзони тоҷикистонӣ низ ба ҳазорҳо нафар мерасад, аммо то кунун Вазорати корҳои хориҷии Тоҷикистон дар бораи аҳволи онҳо пас аз ин ҳодисаҳо расман иттилоъ надодааст
Инчунин тибқи охирин оморҳои нашршуда аз ҳодисаҳои заминларзаи субҳи дирӯз дасти кам 4300 нафар ҷони худро аз даста дода, ҳазорҳо каси дигар маҷруҳ ва зери овораҳо беному нишон гардидаанд.
