Собиқ президенти Русия бо нашри як огоҳӣ таҳдид карда, ки акнун имкони ҳамлаи мушакӣ ба Додгоҳи байналмилалии ҷиноӣ вуҷуд дорад.
Бино ба иттилои расонаҳо, Дмитри Медведев, муовини раиси Шӯрои амнияти Русия бо нашри як огоҳӣ гуфтааст, ки “истифодаи ҷарроҳӣ (тавассути мушаки) “Оникс”-и гиперсадоиро аз як киштии Русия дар баҳри Шимолӣ ба бинои Додгоҳи байналмилалии ҷиноӣ тасаввур кардан комилан имконпазир аст.”
Ин таҳдиди муовини раиси Шӯрои амнияти Русия пас аз эълони зери пайгарди байналмилалӣ қарор гирифтани Владимир Путин, раисҷумҳури Русия аз ҷониби Додгоҳи байналмилалии ҷиноӣ, маъруф ба Додгоҳи Лоҳа (ГААГА) садо медиҳад. Додгоҳи мазкур Путинро бо иттиҳоми даст доштан дар ҷиноятҳои ҷангӣ ва бадарғаву интиқоли ғайриқонунии сокинон, аз ҷумла кӯдакони украинӣ аз манотиқи ишғолии Украина ба Русия таҳти таъқиб қарор додааст.
Додгоҳи Байналмилалии Ҷиноӣ ҳукми зери пайгард қарор додани путинро ҳамроҳ бо Мария Алексеевна Лвова-Белова, Ваколатдор ҳуқуқи кӯдакон дар назди Дастгоҳи Президенти Русия аз 22-уми феврали соли ҷорӣ содир карда буд.
