20.9 C
Dushanbe

Баррасии ҳамкориҳои Тоҷикистон ва Бонки Осиёии руш

Сарони Тоҷикистон ва Бонки Осиёии рушд пас аз баррасии равобит ва масоили муштарак дар бораи ҳамкориҳои ояндаи дуҷониб дар шаҳри Душанбе гуфтугӯ карданд.

Бино ба иттилои расмӣ, 12-уми июни соли 2023 Президенти Бонки Осиёии рушд ҷаноби Масатсугу Асакава бо Раисҷумҳури Тоҷикистон Эмомалӣ Раҳмон дидор кард.

Гуфта мешавад, Масатсугу Асакава дар рафти нишаст аз имкониятҳои Тоҷикистон “дар истеҳсолу содироти энергияи тозаю барқароршаванда” ва рушди “иқтисоди сабз” ёдовар шуда, “ҷонибдории Бонки Осиёии рушдро роҷеъ ба дастгирии саҳми Тоҷикистон дар рӯзномаи глобалии тағйирёбии иқлим тасдиқ намудааст.”

Ба қавли манбаъ, дар рафти ин “мулоқот вобаста ба масъалаи ҳамкории ҷонибҳо ҷиҳати идомаи татбиқи ислоҳот ва дигаргунсозии иқтисодӣ табодули андеша сурат гирифт. Инчунин рушди соҳаи энергетика ва масъалаҳои тағйирёбии иқлим аз ҷумлаи самтҳои мубрами ҳамкории Тоҷикистону Бонки Осиёии рушд арзёбӣ гардиданд.

Гуфта мешавад, аз ҷониби Бонки Осиёии рушд давоми 25 сол дар 180 лоиҳа дар соҳаҳои мухталифи Тоҷикистон ба маблағи зиёда аз 2,5 миллиард доллари америкоӣ маблағгузорӣ шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Фирори беш аз 200 зиндонӣ дар Покистон

Шаби душанбе ба сешанбе пас аз вуқуи заминларза дар шаҳри Карочии Покистон беш аз 200 зиндонӣ аз як зиндон фирор кардаанд.

Шикояти Таҳмина Самадова ба додгоҳ

Таҳмина Самадова, муқими Русия ва зодаи Тоҷикистон аз болои мақомоти шаҳри Митиши ба додгоҳ шикоят бурдааст.

Тафтиши бедалил дар назди хона. Шикояти сокинон аз бадрафтории пулис

Бархе сокинони пойтахт аз рафторҳои ғайриқонунии маъмурони пулиси минтақавӣ шикоят кардаанд.

Кӯтоҳтарин президенти дунё дар Лаҳистон

Рӯзи 1-уми июни соли ҷорӣ даври дувуми интихоботи президентӣ дар Лаҳистон байни ду номазад баргузор гашт.