Эмомалӣ Раҳмон, раисҷумҳури Тоҷикистон 3-юми июли соли ҷорӣ бо чанд фармоне намонядагони худ дар хориҷ аз кишварро таъйин кард.
Аз ҷумла, бо як фармон Эмомалӣ Раҳмон Ҳусейнзода Музафар Маҳмуродро сафири Тоҷикистон дар Шоҳигарии Белгия ва ҳамзамон Намояндаи доимии Ҷумҳурии Тоҷикистон дар назди Иттиҳоди Аврупо таъйин кард. Ӯ дар ин симат Эркин Раҳматуллозодаро, ки моҳи майи соли ҷорӣ бознишаста шуда буд, иваз кард.
Ҳусейнзода Музафар то рӯзи 31-уми майи соли ҷорӣ муовини вазири корҳои хориҷии Тоҷикистон буд. Эмомалӣ Раҳмон ӯро дар охири моҳи май танҳо сафири Тоҷикистон дар шоҳигарии Белгия таъйин кард ва инак намояндаи Тоҷикистон дар назди ИА.
Ҳусейнзода 48 сол дошта, пеш аз ин ӯ ҳамчунин дар вазифаи сафири Тоҷикистон дар Узбекистон ва сафири Тоҷикистон дар Малайзия низ кор кардааст.
