Дастаи мунтахаби футболи Тоҷикистон дар мусобиқоти Ҷоми Осиё-2023 дар бозӣ бо дастаи мунтахаби футболи Лубнон пирӯз шуд.
Шоми 22-уми январи соли 2024, дастаи мунтахаби футболи Тоҷикистон дар мусобиқоти Ҷоми Осиё-2023 дар муқобили дастаи мунтахаби Лубнон ба ҳисоби 2:1 ғалаба кард.
Мунтахаби миллии футболи Тоҷикистон, ки дар “гурӯҳи А” -и мусобиқоти Ҷоми Осиё-2023 бо Чину Қатар ва Лубнон бозӣ кард, бо касби 4 имтиёз (1 мусовӣ, 1 бохт, 1 пирӯзӣ, таносуби тӯбҳо 2-2) ба марҳилаи ҳаштякниҳоии ин бозиҳо роҳ ёфт.
Пеш аз ин дар 13-уми январи соли ҷорӣ мунтахаби Тоҷикистон бозиро бо дастаи мунтахаби Чин дар варзишгоҳи “Абдуллоҳ бин Халифа”-и Давҳаи Қатар ба ҳисоби 0-0 мусовӣ анҷом дода буд.
Инчунин 17-уми январи соли ҷорӣ дар бозии баъдӣ, дастаи мунтахаби Тоҷикистон бозиро бо дастаи мутанахаби Қатар бар ҳисоби 0:1 ба нафъи кишвари мизбон дар Давҳа бохт. Қатар якуминшуда билофосила баъд аз пирӯзӣ ба марҳилаи 1/8 ниҳоӣ роҳ ёфт.
Гуфта мешавад, Тоҷикистон барои нахустин бор дар мусобиқоти “Ҷоми Осиё-2023” иштирок мекунад. Мунтахаби Тоҷикистон дар “гурӯҳи А” бозӣ мекунад. Ғолибони ин давра аз ҳама гурӯҳҳо ба даври 1/8 ниҳоии Ҷоми Осиё-2023 роҳ меёбанд.
Мусобиқоти Ҷоми Осиё-2023, ки дар пойтахти давлати Қатар шаҳри Давҳа баргузор мешаванд, бо сабабии дурии масофа ва дигар харҷҳои сафар имкон намедиҳанд, ки ҳаводорону мухлисони зиёди дастаи мунтахаби футболи Тоҷикистон рафта дар он ҷо футболбозони кишварро аз наздик мухлисӣ ва дастгирӣ намоянд. Бо ин вуҷуд, аксари мардуми кишвар ин бозиҳоро аз тариқи шабакаҳои телевизионӣ ва дигар шабакабаҳои иҷтимоӣ тамошо карда, пирӯзии дастаи мунтахаби миллии футболи Тоҷикистонро якҷоя ҷашн гирифтанд.
