Рақиби дастаи мунтахаби миллии футболи Тоҷикистон дар марҳилаи ҳаштякфиналии мусобиқоти Ҷоми Осиё-2023, маълум шуд.
Бино ба иттилои расмӣ, 28-уми январи соли 2024 дар даври 1/8 финалии бозиҳои Ҷоми Осиё-2023, ки дар Қатар баргузор мешаванд, дастаи мунтахаби миллии футболи Тоҷикистон бо дастаи мунтахаби футболи Имороти Муттаҳидаи Арабӣ бозӣ мекунад.
22-уми январи соли ҷорӣ мунтахаби миллии футболи Тоҷикистон дар “гурӯҳи А”-и мусобиқоти Ҷоми Осиё-2023 пас аз пирӯзӣ бар мунтахаби футболи Лубнон, ки ба ҳисоби 2:1 ғалаба карда буд, бо касби 4 имтиёз ба марҳилаи ҳаштякниҳоӣ роҳ ёфт.
Пеш аз ин дар 13-уми январи соли ҷорӣ мунтахаби Тоҷикистон бозиро бо дастаи мунтахаби Чин дар варзишгоҳи “Абдуллоҳ бин Халифа”-и Давҳаи Қатар ба ҳисоби 0-0 мусовӣ анҷом дода буд.
Инчунин 17-уми январи соли ҷорӣ дар бозии баъдӣ, дастаи мунтахаби Тоҷикистон бозиро бо дастаи мутанахаби Қатар бар ҳисоби 0:1 ба нафъи кишвари мизбон бохт.
Гуфта мешавад, Тоҷикистон барои нахустин бор дар мусобиқоти “Ҷоми Осиё-2023” иштирок мекунад. Баъди ин пирӯзиҳои мунтахаби миллии футболи Тоҷикистон дар радабандиҳои ФИФА мақоми 99-умро касб карда, дар феҳристи 100 дастаи бартари дунё қарор гирифтааст.
