Дар даври бозиҳои чорякниҳоии мусобиқоти Ҷоми Осиё-2023 Урдун бар Тоҷикистон пирӯз шуд.
Бино ба иттилои расмӣ, 2-юми феврали соли 2024 дастаи мунтахаби милли футболи Тоҷикистон бозиро бо мунтахби футболи Урдун бо ҳисоби 0:1 бохт.
Мунтахаби миллии футболи Тоҷикистон дар даври якуми бозӣ хеле хуб дар майдон медурахшид, бо вуҷуди он, довар ду маротиба 7 дақиқаӣ ба вақт изофа карда, вале бозӣ дар нимаи аввал мусовӣ анҷом шуд. Аммо дар нимаи дувум, дар дақиқаи 65-уми бозӣ ҳамлагари дастаи Урдун Абдуллоҳ Салим тавонист, тӯбро ба дарвозаи Тоҷикистон ворид кунад. Ва бозӣ то охир ба ҳисоби 0:1 ба фоидаи Урдун анҷом ёфт.
Пеш аз ин 28-уми январи соли ҷорӣ дастаи мунтахаби Тоҷикистон дар даври ҳаштякфиналии мусобиқоти “Ҷоми Осиё-2023” мунтахаби футболи Имороти Муттаҳидаи Арабиро бо ҳисоби (1:1) 5:3 дар вақти пеналтӣ задан мағлуб карда, ба марҳилаи чоряфиналии ин бозиҳо роҳ ёфта буд.
Гуфта мешавад, дастаи мунтахаби Тоҷикистон, ки бори нахуст дар мусобиқоти қаҳрамонии Ҷоми Осиё ширкат мекунад, тавонист дар майдонҳо бозии хеле хуб нишон бидиҳад ва хеле аз рақибони худро шикаст дода, то марҳилаи чорякфиналии ин бозиҳо роҳ ёбад.
Инчунин сармурабии мунтахаби миллии футболи Тоҷикистон пас аз пирӯзӣ алайҳи мунтахаби футболи Имороти Муттаҳидаи Арабӣ ба расонаҳо гуфта буд, ки футболбозони тоҷик аз марҳилаи чоряниҳоӣ низ бо сарбаландӣ убур хоҳанд кард. Аммо ин дафъа мунтахаби миллии футболи Тоҷикистон бозиро бохта, аз идомаи мусобиқот маҳрум шуд.
