Ширкати ҳавопаймоии “LOT”-и Лаҳистон парвозҳои доимияшро аз Варшава ба Тошканд – пойтахти Узбекистон оғоз кард.
Гуфта мешавад, парвозҳо аз Варшава ба Тошканд ҳафтае се маротиба, рӯзҳои чоршанбе, ҷумъа ва якшанбе сурат мегиранд. Дар самти муқобил, яъне аз Тошканд ба Варшава мусофирон метавонанд рӯзҳои душанбе, панҷшанбе ва шанбе парвоз кунанд.
Давомнокии парвоз тақрибан 5 соату 55 дақиқа буда, нархи билетҳо ҳоло аз 1,389 злоти (352 доллар) то 1,999 злоти (506 доллар) аст.
Аввалин парвоз дар ин самт 14-уми марти соли ҷорӣ тариқи ҳавопаймои “Boeing 737-MAX 8” сурат гирифтааст.
Пештар аз ин Лаҳистон аз кишварҳои Осиёи Марказӣ танҳо бо Қазоқистон парвозҳо дошт.
