Муҳаммад Шаҳбоз Шариф, Нахуствазири Покистон бо сафари корӣ ба Тоҷикистон меояд.
Бино ба иттилои расонаҳо, рӯзи 2-уми июли соли 2024 Нахуствазири Покистон Муҳаммад Шаҳбоз Шариф дар раъси як ҳайати расмӣ бо сафари дурӯза ба Тоҷикистон сафар мекунад.
Ба қавли Спутник-Тоҷикистон, ин сафари Нахуствазири Покистон бо даъвати расмии ҷониби Тоҷикистон сурат мегирад. Ва қарор аст, дар рафти ин сафар Муҳаммад Шаҳбоз Шариф бо мақомоти олии Тоҷикистон ва аз ҷумла Эмомалӣ Раҳмон низ мулоқот ва гуфугӯ кунад.
Гуфта мешавад, муносибатҳои дипломатии Тоҷикистону Покистон зиёда аз се даҳсола аст, ки идома дорад ва дар ҳоли ҳозир иқтисоди Тоҷикистон вобастгиҳое зиёде аз Покистон дорад. Зеро Тоҷикистон дору, шакар ва хеле аз маҳсулоти мевагӣ ва кишоварзие ба мисли картошкаву пиёз ва ғайраи худро бо нархи хеле арзонтар қисман аз Покистон ворид мекунад. Покистон ҳам қасд дорад аз Тоҷикистон ба кишвари худаш обу барқ ворид кунад.
