Рӯзи 24-уми июни соли ҷорӣ гурӯҳе аз мухолифони ҳукумати Толибон дар пойтахти Утриш шаҳри Вена гирди ҳам омаданд.
Аҳмад Масъуд, раҳбари Ҷабҳаи муқовимати миллии Афғонистон, Рангин Дафар, собиқ вазири хоричии ҳукумати Ашраф Ғанӣ, Муҳаммад Муҳақиқ, аз раҳбарони ҳазораҳо ва дигар ҷеҳраҳои сиёсӣ дар ин нишаст иштирок карданд.
Аҳмад Масъуд дар ин нишаст гуфт, ки як ҳукумат танҳо аз тариқи раъйи мардум метавонад машруъ шавад. Ӯ афзуд, дар сурате, ки Толибон муваффақ ба касби раъйи мардум шаванд, аз сӯйи дигарон низ пазируфта хоҳанд шуд.
Алӣ Майсам Назрӣ, масъули равобит хориҷии Ҷабҳаи муқовимати миллӣ дар Фейсбук навиштааст, ки дар ин нишаст зиёда аз 65 гурӯҳи сиёсӣ ва маданӣ дар Вена гирд омаданд, то дар бораи як ояндаи мардумсолор дар Афғонистон бо ҳам кор кунанд.
Зокир Ҷалол, яке аз мақомҳои Толибон бо ишора ба ин нашаст ширкаткунандагони онро “ҷамъи саргардон” номид, ки ба гуфтаи ӯ, “дарке аз сиёсати байналмилалӣ надоранд ва чашми умед ба иқдоми хориҷӣ дӯхтаанд.”
ин мақомдори Толибон дар ёдошти дар шабакаи “X” такид кардаст, ки онҳо маҳкум ба шикаст ҳастанд.
Ёдовар мешавем, ки ин чорумин нишасте аст, ки гурӯҳҳои мухталиф аз мухолифони Толибон дар пойтахти Утриш гирди ҳам ҷамъ мешаванд ва масъалаи Афғонистон ва ояндаи онро баррасӣ мекунанд.
