Перезиденти Тоҷикистон дар нишасти Созмони Милали Муттаҳид (СММ) хостори таъсиси Давлати мустақили Фаластин дар асоси марзҳои соли 1967 шуд.
Бино ба иттилои расмӣ, 24-уми сентябри соли 2024, Эмомалӣ Раҳмон дар нишасти 79-уми Маҷмаи умумии Созмони Миллали Милали Муттаҳид (СММ) дар Амрико иштирок ва суханронӣ кард.
Ба қавли манбаъ, Президенти Тоҷикистон дар ин нишаст бо ишора ба ҷангҳои ахир дар Ховари Миёна гуфт: “мехоҳам таъкид намоям, ки буҳрони Фаластин ҳамоно боиси нигаронии амиқи кишвари мо мебошад.” Вай афзуд: “Вазъи фоҷеабори имрӯза дар он минтақа бори дигар собит месозад, ки қазияи Фаластин роҳи ҳалли низомӣ надорад.”
Эмомалӣ Раҳмон бо таваҷҷуҳ ба торихи истиқлолхоҳии фаластиниҳо ва ранҷи бешумори онҳо дар тӯли 76 соли ахир, гуфт: “Тоҷикистон бар он назар аст, ки ҳалли ниҳоӣ ва воқеии ин қазия танҳо тавассути иҷрои қарорҳои Созмони Милали Муттаҳид оид ба таъсиси Давлати мустақили Фаластин дар асоси марзҳои соли 1967 имконпазир мебошад.”
Гуфта мешавад, ин пешниҳоди Эмомалӣ Раҳмон дар ҳоле дар Мубоҳисаҳои 79-уми умумии Маҷмааи умумии Созмони Миллали Милали Муттаҳид садо додааст, ки ҳафтаи гузашта Маҷмаи умумии СММ бо содир кардани як қарор аз Исроил хост, ки дар муддати 12 моҳ аз тамоми қаламрави сарзаминҳои ишғол кардааш дар хоки Фаластин хориҷ шавад.
Ҷангҳои ахир дар Ғазза ва Каронаи Бохтарии рӯди Урдун байни фаластиниҳо ва Исроил тайи як соли ахир хеле шиддат гирифта, дар ин муддат беш 42 ҳазор кушта ҳудуди 130 ҳазор нафар дигар захмӣ ва беному нишон шудааст.
