Пулиси шаҳри Душанбе аз боздошти ҷавоне хабар дод, ки бар асари истеъмоли маводи мухаддир як занро куштааст.
Шуъбаи 1-и Вазорати корҳои дохилӣ дар ноҳияи Синои пойтахт рӯзи 18-уми март аз боздошти ин марди 35-сола хабар дод. Гуфта мешавад, ин ҷавон сокини шаҳри Душанбе буда, бо гумони “қасдан расонидани зарари вазнин ба саломатӣ, ки боиси марг гаштааст”, боздошт шудааст.
Ба иттилои ШКД 1-и ноҳияи Сино, гумонбар Алишер Туманов ном дошта, “8-уми марти соли соли ҷорӣ дар манзили истиқоматиаш бо зани 29-сола маводи нашъадори навъи “метамфетамин” (кристал) истеъмол карда, баъд аз эҳсоси рашк ин занро латтукӯб кардааст.” Дар натиҷа, ҷабрдида, кӣ аз вай З. Абдуллоева ном бурда шудааст, бо ҷароҳатҳои вазнин 11-уми марти соли 2025 дар беморхона ба ҳалокат расидааст. Вазорати корҳоди дихили мегӯяд, таҳқиқи бештари ин ҳодиса идома дорад.
Мақомот ҳамеша аз зиёд шудани истеъмол ва истифодаи маводи мухаддир дар байни ҷавонон изҳори нигаронӣ мекунанд.
Аммо мунтақидон сабаби асосии зиёд шудани истифодаи маводи мухаддир ва машруботи спиртӣ дар байни ҷавононро бекорӣ, паст будани саҳти савод ва дур кардани ҷавонон аз масҷиду таълимоти дурусти динӣ медонанд.
