Рӯзи 4-уми сентябри соли 2025 дар шаҳри Душанбе ҷаласаи навбатии формати С5+1 — сохтори ҳамкории кишварҳои Осиёи Марказӣ бо Иёлоти Муттаҳидаи Амрико баргузор шуд.
Дар ин ҳамоиш, ки бо ширкати намояндагони сатҳи баланди вазоратҳои корҳои хориҷии минтақа ва Департаменти давлатии ИМА доир гардид, масоили муҳими сиёсӣ ва иқтисодии ҳамкориҳо баррасӣ шуданд.
Мавзуъҳои меҳварии ҷаласа таҷлили 10-солагии ташаббуси С5+1, таҳкими дипломатияи иқтисодӣ, фаъолсозии Форуми В5+1 барои рушди тиҷорат ва сармоягузорӣ ва ҳамчунин ҳамкорӣ дар самти канданиҳои фоиданок буд.
Ба иттилои Вазорати корҳои хориҷии Тоҷикистон, ҷонибҳо фаъолияти гурӯҳҳои кории Котиботро низ мавриди арзёбӣ қарор дода, барои ҳамоҳангсозии бештари барномаҳои муштарак ибрози омодагӣ намуданд.
Ҳамзамон ҷонибҳо ба мувофиқа расиданд, ки дар соли ҷашнии С5+1 (2025) рӯйдодҳои муҳиме дар сатҳи минтақавӣ ва байналмилалӣ роҳандозӣ шаванд, ки ба тавсеаи ҳамкории амниятӣ, иқтисодӣ ва сиёсӣ мусоидат хоҳанд кард.
