Машҳуртарин варзишгари ирландӣ ва ситораи UFC – Конор Макгрегор эълон карда, ки дар интихоботи президентии Ирландия номзадияшро пешбарӣ мекунад.
Ин варзишгари шинохта рӯзи 4-уми сентябр дар паёме ба ҷонибдоронаш дар Дублин изҳор намуд, ки “вақти тағйирот фаро расидааст” ва мардумро даъват кард, то барои номзадии ӯ ба мақомоти маҳаллӣ муроҷиат кунанд.
Бар асоси қонунҳои Ирландия, шахсе мехоҳад номзад ба президентӣ шавад, бояд дастгирии ҳадди ақал 20 вакили парлумон ё 4 шӯрои маҳаллиро ба даст орад. Макгрегор иддао дорад, ки пуштибонии мардумро соҳиб шудааст, вале то ҳол аз ҷониби мақомоти расмӣ тасдиқ нагардид. Вале ин тасмими Макгрегор баҳсу танқидҳои зиёдеро дар дохили кишвараш ба бор овардааст.
Қарор аст, 24-уми октябри соли ҷорӣ дар Ирландия нтихоботи президентӣ баргузор шавад. Муҳлати ниҳоии пешниҳоди номазадҳо барои иштирок дар ин маъракаи сиёсӣ то 24-уми сентябри соли 2025 муқаррар шудааст. Ҳоло маълум нест, ки ин варзишгар барои ширкат дар интихобот сабти ном мешавад ё на.
Ёдовар мешавем, ки Конор Макгрегор баъд аз мусобиқаи пуршӯр бо Ҳабиб Нурмагомедови доғистонӣ, ки дар он шикаст хӯрд, ба шуҳрати ҷаҳонӣ расид.
