Комиссияи Иттиҳоди Аврупо дар нишасти ахираш талаб кард, ки алайҳи вазирони ифротии исроилӣ таҳрим ҷорӣ карда шавад.
Иттиҳоди Аврупо ду вазири исроилӣ – Бин Гафир ва Смутришро аллакай вориди листи шахсони таҳримшуда аз ҷониби Иттиҳоди Аврупо кардааст.
Раиси Комиссияи Аврупо Урсула фон дер Лейен рӯзи чоршанбе, 10-уми сентябр гуфт, ки Комиссияи Аврупо пешниҳод мекунад, ки бар зидди вазирони ифротгарои исроилӣ таҳрим ҷорӣ карда шавад ва ҳамчунин ҷузъе аз созишномаи тиҷоратӣ байни Исроил ва Иттиҳоди Аврупо муваққатан муъаллақ гузошта шавад.
Ӯ ҳамчунин афзуд: “Он чи дар Ғазза мегузарад, ҷаҳонро ба ларза даровардааст. Одамони зиёде ба аз гуруснагӣ мемиранд ва ба хотири як луқмаи ном кушта мешаванду занҳои бордор кӯдакони мурда ба дунё меоранд. Ин як даҳшат аст.” Раиси Комиссияи Аврупо таъкид кард, ки “Гуруснагии сунъиро набояд ҳамчун силоҳи ҷангӣ истифода кард.”
Дар нишасти Комиссияи Иттиҳоди Аврупо, ки рӯзи чоршанбе баргузор шуд, чанде аз кишварҳои ин иттиҳодия, аз ҷумла Ирландия, Испания, Донморк, Галандия ва Шветсия бекор кардани созишномаи тиҷоратӣ бо Исроилро талаб карданд. Аммо кишварҳои дигаре, мисли Омлон, Венгрия ва Чехия ба ин пешниҳод мухолифат кардаанд.
