Бино ба иттилои Камисари ёрии кумакҳои инсонӣ дар Судон, Нерӯҳои зудамали ин кишвар 2 ҳазор ғайринизомиро дар шаҳри Ал-Фошир қатли ом карданд.
Созмони ҷаҳонии беҳдошт низ дар як изҳорот гуфт, ки танҳо бемористони боқимонда дар Ал-Фошири Судон мавриди ҳамлаи Нерӯҳои зудамал қарор гирифт ва тамоми кадри пизишкии он кушта шуданд.
Давлати Судон ҳам бо сафаре ба Қоҳира аз Созмони Милали Муттаҳид ва ҷомеаи ҷаҳонӣ хост, Нерӯҳои зудамалро вориди листи “гурӯҳҳои террористӣ” кунанд.
Созмони Милали Муттаҳид ва созмонҳои ҳуқуқи башарӣ пештар дар як баёнияе қатли омҳо ва ҷиноятҳои густарда алайҳи ғайринизомиён дар шаҳри Ал-Фошир, воқеъ дар шимоли Дорфури Судонро аз ҷониби шибҳи низомиёни Нерӯҳои зудамали ин кишвар маҳкум карданд.
Дар шабакаҳои иҷтимоӣ наворҳое паҳн мешавад, ки нишон медиҳад Нерӯҳои зудамали Судон мардуми зиёдеро ҷое ҷамъ оврда, якбора мекушанд ва бо хандаҳои баланд масхараомез пирӯзии худро эълон мекунанд.
Дар ҳамин ҳол ҳокими вилояти Дорфур Мини Арку Мановӣ, ба расонаҳо гуфта, ки Нерӯҳои зудамал дар шаҳри Ал-Фошир ба “Бемористони Саудӣ” ворид шуда, тамоми кадри тиббӣ ва беморонро, ки онҷо табобат мегирифтанд ва шуморашон 460 нафар гуфта мешавад, куштанд.
Даргириҳои мусалллаҳона байни Нерӯҳои зудамал ва артиши Судон соли 2021 пас аз кӯшиши расидан ба қудрат байни раҳбарони ин ду гурӯҳи низомӣ аз шаҳри Хуртум – пойтахти Судон оғоз ёфт.
Созмони Милали Муттаҳид дар оғози ин даргириҳо гуфта буд, ки иттилоъ дод, ки аз Судон беш аз 100 ҳазор аҳолӣ ба кишварҳои ҳамсоя паноҳ бурда ва беш аз 330 ҳазор нафари дигар дар дохили кишвар овора шудаанд.
Судонро аз оғози даргирӣ, 15-уми апрели соли 2021 то кунун ҳолати бебандуборие фаро гирифтааст. Даргирии шадид байни нерӯҳои артиш, ки раҳбарии онро генерал Абдулфаттоҳ Бурҳон бар уҳда дорад ва Нерӯҳио зудамал бо раҳбарии собиқ муовини ӯ генерал Муҳаммад Ҳамдон Дақлу (маъруф ба Ҳамидтӣ) оғоз шудааст.
