Вазорати корҳои хориҷии Иёлоти Муттаҳидаи Амрико эълон кард, ки миёни Тоҷикистон ва Амрико чандин созишномаи ҳамкорӣ ба маблағи беш аз 3 миллиард доллар ба имзо расониданд, ки ин метавонад ба иқтисоди ҳар ду кишвар миллиардҳо доллар суд оварад.
Бар асоси ин вазоратхона, беш аз 90 дарсади маблағи қарордод ба ширкати хусусии “Сомон-Эйр”, таълуқ дорад. Арзиши қарордод 3,2 миллиард долларро ташкил медиҳад, ин маблағ барои хариди 14 ҳавопаймои нави навъҳои 787 Dreamliner ва 737 MAX аз ширкати амрикоии “Boeing” пешбинӣ шудааст.
Ин чунин гуфта мешавад, Тоҷикистон бо ширкати “Transparent Earth” барои истифодаи технологияи моҳвораӣ дар идораи захираҳои табиӣ қарордод бастааст бо ширкати “Starlink” барои тавсеаи интернети моҳвораӣ ва бо “Perplexity AI” ва “Zypl AI” барои истифодаи ҳуши маснуӣ дар корҳои давлатӣ низ тавофуқ ҳосил шуд.
Ҳамчунин гуфта мешавад, ширкати “Coca-Cola” 9 миллион доллари дигар дар Тоҷикистон сармоягузорӣ мекунад.
Ин созишномаҳо дар ҳошияи нишасти раҳбарони кишварҳои Осиёи Марказӣ бо Доналд Трамп дар Кохи Сафед ба имзо расиданд. Ба гуфтаи нозирон, ИМА мехоҳад нуфузи иқтисодӣ ва сиёсии худро дар минтақаи таҳти таъсири Чину Русия тақвият диҳад.
