Инфиҷори рӯзи душанбе дар лӯлаи бузурги интиқоли газ дар шаҳри Димишқи Сурия, ки боис шуд тамоми кишвар бе нерӯи барқ шавад, натиҷаи амали террористист. Дар ин бора хабаргузории ТАСС бо такя ба изҳороти Алӣ Ғоним, вазири нафт ва захоири минералии Сурия хабар додааст.
“Баъди арзёбии вазъият маълум карда шуд,ки инфиҷор дар лӯлаи газ байни минтақаҳои Адра ва Зумайр, амали террористӣ буда аст”,- нақли қавл кардааст шабакаи телевизионии Al Ekhbariya Сурия аз қавли Алӣ Ғоним, вазири нафт ва захоири минералии Сурия.
المبعوث الأمريكي يرجّح ضلوع #داعش بانفجار خط الغاز في #سورياhttps://t.co/yUR9oRxuRV#البيان_القارئ_دائماً
— صحيفة البيان (@AlBayanNews) August 24, 2020
Ғоним афзудааст, ки ба мутахассисон муяссар шуд, ки мушкили пешомадаро дар таyoмоми истгоҳҳои барқии ҷумҳурӣ бартараф кунанд ва феълан ҳар кадоме аз онҳо барои кор омода аст.
Вай гуфтааст,ки соатҳои наздик интиқоли нерӯи барқ дар сартосари кишвар шурӯъ мешавад. Ин шабака мегӯяд, ки сӯхтори ба вуҷудомада аз таркишро неруҳои оташнишонӣ хомӯш кардаанд. Қаблан Оҷонсии SANA бо истинод ба баёнияи Ғоним хабр дода буд, ки тамоми қаламрави кишвар бар асари таркиш дар лӯлаи газ дар ҷануби Сурия аз барқ маҳрум шуд.
Шабакаи Al-Ekhbariya, аз қавли Ғоним мегӯяд, ки бар асари ин ҳодиса се истгоҳи неруи барқ аз кор бозмонд. Дертар вазири энергетикаи Сурия Муҳаммад Зуҳур Харбутли хабар дода буд,ки истгоҳҳои барқӣ барои иншооти ҳаётан муҳим барқро таъмин мекунанд ва барои бархе аз музофот ҳам интиқоли он аз сар гирифта мешавад.