31.9 C
Dushanbe

САҲА номаи расмӣ барои назорати интихоботи президентии Тоҷикистонро дарёфт кард

Сухангӯи дафтари ҳуқуқи башари Созмони амният ва ҳамкории Аврупо Лорен Баранауска иттилоъ дода, ки аз ҷониби Тоҷикистон барои назорат бурдани интихоботи президентии 11 октябри соли равон даъватнома дарёфт кардааст. Дар ин бора хабаргузории “Sputnik” хабар медиҳад.

Гуфта мешавад, ки САҲА ин даъватномаи расмиро рӯзи душанбе 14 сентябр дарёфт кардааст. Ин дар ҳолест, ки як рӯз пеш ин Созмон хабар дода буд, то ҳанӯз номаи расмӣ барои назорат бурдани интихоботи президентии Тоҷикистонро дастрас накардааст ва умед дорад, дар рӯзҳои наздик ин нома ба онҳо хоҳад расид.

Баранауска зимни иттилои ин хабар афзуда, ки аз ҳоло кори интихоби аъзои гурӯҳи нозирони эъзомии Созмони амният ва ҳамкории Аврупо барои назорат бурдан бар раванди интихоботи президентии Тоҷикистон, ки рӯзи 11 октябри соли ҷорӣ доир мешавад, оғоз шудааст.

Ин созмони байналмиллалӣ шурӯъ аз соли 2006 то ҳол бар раванди баргузории интихоботи порлумонӣ ва президентии Тоҷикистон назорат бурдааст, вале ҳеҷ як аз интихоботи гузаштаро шаффофу демократӣ ва мутобиқ бо меъёрҳои байналмилалӣ унвон накардааст. Аз ин ҷост, ки ҳукумати Тоҷикистон ба ин Созмон чандон чашми хӯш надорад ва баҳои додаи онро оиди шаффофияти интихоботи гузашта қабул надорад ва мегӯяд ҳамаи интихобот тибқи меъёрҳои демократӣ гузаштааст.

Ба назари коршиносон ихтилофи ҳукумати Тоҷикистон бо САҲА баъд аз паноҳ бурдани мухолифони сиёсии ин кишвар ба давлатҳои аврупоӣ шиддат гирифт. Ва борҳо бо ташкили гирдиҳамоӣ ва таҷамӯъҳои сохта аз ин Созмон ва давлатҳои аврупоӣ хоста буд, ки мухолифонро ба Тоҷикистон бисупоранд ва ё ба кишварҳояшон роҳ надиҳанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.