31.9 C
Dushanbe

Боздошт ва шиканҷаи муҳоҷирон дар Хабаровскии Русия (ВИДЕО)

Як гурӯҳ ронандагони автобус аз шаҳри Хабаровскии Русия ба “Аздо тв” тамос гирифта хабар доданд, ки онҳоро рӯзи 29 декабр мақомоти пулиси ин шаҳр бе ҳеч сабабе боздошт намуда, ба шӯъбаи милитсия бурданд.

Ин муҳоҷироне, ки боздошт шудаанд дар ҶСК “Василев” ба ҳайси ронанда кору фаъолият мекардаанд. Ба гуфтаи муҳоҷирон ғайр аз тоҷикон инчунин муҳоҷирони дигар миллатҳоро низ боздошт карда будаанд.

Яке аз муҳоҷироне ба “Аздо тв” тамос гирифта гуфт, ки онҳоро дар пулис дар 42 дараҷа сардии ҳаво дар рӯи замин як соат хобонда, баъдан боздошт намуда ба шӯъбаи милитсия бурдаанд. Вақте онҳоро ба шӯъба бурдаанд, телефонҳои мобилияшонро гирифтаанд то аз ин боздошт сабт накунанд.

Яке аз ин муҳоҷирон мегӯяд, ки ин бор онҳоро назаданд, чун намояндагони қирғизҳо ва узбекон аз ин ҳодиса хабар ёфта ба шӯъбаи милитсия омаданд ва онҳоро аз онҷо бароварданд.

Ин ҳамсуҳбати “Аздо тв” дар идома бо таасуф мегӯяд, ки намояндагони тоҷикҳо наомада буданд. Ронандаҳое, ки дар ҶСК “Василев” кор мекунанд, бештарашон шаҳрвандии Русияро доранд. Бо вуҷуди доштани шаҳрвандии Русия аз ҷониби кормандони интизомии ин кишвар зуд-зуд мавридди тафтиш ва шиканҷа қарор мегиранд.

Дар идома ин муҳоҷир мегӯяд, ки то кай онҳоро бе сабаб боздошт намуда, шиканҷа мекунанд ва ягон намояндаи сафорат ба додашон намерасад.

Баъди чанд лаҳзае вобаста ба ин қазия ба дасти “Аздо тв” наворе расид, ки дида мешавад пулис омада муҳоҷиронро ҳангоми хӯрокхӯрӣ боздошт намуда, зоҳиран латукӯб ҳам кардааанд. Чун пораҳои шикастаи косаву пиёлаҳои рӯи замин дида мешавад.

Навори корбарон

Ёдовар мешавем, ки ин гурӯҳи ронандагон, ки дар ҶСК “Василев” кору фаъолият мекунанд чанд моҳи пеш аз ҷониби кормандони “ОМОН”-и Русия боздошт гардида, мавриди латтукӯби шадид қарор гирифта буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.