25.9 C
Dushanbe

Русия ба низомиёни пойгоҳи 201 дар Тоҷикистон ваксинаи зидди коронавирус фиристод

Хадамоти матбуоти Округи ҳарбии марказии Русия хабар дод, ки ин кишвар барои низомиёни пойгоҳи 201-и мустақар дар Тоҷикистон ба миқдори 1100 воя ваксинаи коронавирус фиристодааст.

Гуфта мешавад, дар навбати аввал ваксина ба кормандони тиббӣ, кормандони низомии дар ҳолати омодабош, ҳайати фармондеҳӣ ва навбатдории пойгоҳи 201, ки дар Душанбе ҷойгир аст, гузаронида мешавад.

Қайд мешавад, ки пеш аз ваксингузаронӣ, ба ҳамаи хизматчиёни ҳарбӣ дар бораи ваксина, таъсири дору ба бадани инсон ва таъсироти эҳтимолии он маълумот дода мешавад. Ва ваксинзанӣ барои кормандони низомӣ, ба таври ихтиёрӣ пешниҳод мешавад.

Пойгоҳи низомии 201 мустақар дар Тоҷикистон бузургтарин пойгоҳи низомии Федератсияи Русия дар хориҷ аз кишвар ба шумор меравад. Бино ба баъзе маълумот то 7 ҳазор афсару сарбоз дар ин пойгоҳ адои хидмат мекунанд ва тибқи тавофуқоти Душанбе ва Маскав то соли 2042 дар хоки кишвар бидуни пардохти молиёт боқӣ хоҳад монд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.