31.9 C
Dushanbe

Муроҷиат ва шикояти як узви ҲНИТ ба созмонҳои баналмиллалии ҳуқуқи башар

Бобоев Абдусаттор, узви раёсати олии ҲНИТ ва паноҳанда дар яке аз кишварҳои аврупоӣ зимни нашри наворе аз фишори мақмот болои хонавода ва наздиконаш дар Тоҷикистон аз ҷониби КДАМ шикоят мекунад.

Абдусаттор дар муроҷиати худ аз созмонҳои байналмиллалии ҳуқуқи башар дархост намуд, ки ба қазияи поймолшваии ҳуқуқи ӯ ва хонаводааш расидагӣ кунанд.

Ӯ мегӯяд, мақомот намегузоранд духтари бузургаш, ки соҳиби ду фарзанд аст ва дар Тоҷикистон зиндагӣ мекунад бо волидайнаш тамос бигирад. Ва ҳамчунин бародарон ва наздиконаш низ ҳаққи тамос бо ӯро надоранд.

Хабарнигори “Аздо тв” аз Бобоев Абдусаттор пурсид, ки чӣ чиз боис шуд, ки мақомот болои хонаводаи Шумо фишорро сахттар карда ва инчунин мардум бо нашри видеоҳо дар шабакаҳои иҷтимоӣ вокуниш нишон бидиҳанд?

Ба қавли Абдусаттор бародари бузургаш, ки бемор ва дар беморхона бистарӣ аст, маъмурони амният ӯро низ ба ҳолаш нагузоштанд, ки ин фишорҳо бемории ӯро бештар кардааст.

Чандест дар шабакаҳои иҷтимоӣ нафарони саршиносе ба монанди собиқ қумандони Фронти халқӣ, Саидшо Шамолов ва инчунин додмоди худи Абдусаттор Бобоев суханрониҳо намуда, аз ӯ хостаанд, ки даст аз суҳбатҳои зидди Ҳукумат бардорад.

Аммо Абдусаттор мегӯяд, бо вуҷуди фишорҳои мақомот болои ӯ ва хонаводааш даст аз муборизаи солими сиёсӣ кашиданӣ нест ва ҳатто ин фишорҳо бар рӯҳия муборазахоҳӣ ва ҳақиқатталабии ӯ таъсире нахоҳад гузошт.

Мақомот пайваста фишор овардан болои хонаводаҳои фаъолони сиёсии ҲНИТ тавассути Ҳукумати Эмомалӣ Раҳмонро рад мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.