Бори аввал бо даъвати расмии Тоҷикистон ҳайате аз Украина иборат аз муаллимон аз донишгоҳҳои ин кишвар бо сарварии вазири маориф Сергей Шкарлет ба Тоҷикистон ташриф меоранд.
Тибқи хабари “Азия плюс” дар ин ҳайат, ки 30 март ба Душанбе меояд, беш аз 80 нафар аз ректорони донишгоҳҳо аз манотики мухталифи ин кишвар шомиланд.
Мақсади ин сафар баргузории форуми таълимӣ “Дар Украина мехонем” (Study in Ukraine) мебошад.
Дар ин форум вазирони маорифи Тоҷикистон ва Украина, раҳбарони донишгоҳҳои ҳарду кишвар ширкат меварзанд.
Бар асоси ин барнома гузаронидани намоишгоҳи таълимӣ “Study in Ukraine”ки аз 30 март то 4 апрел доир мегардад, мадди назар аст.
Бар асоси ин форум ҳамчунин вохурии хатмкардагони донишгоҳҳои Украина, ки дар ҳама ҷанбахо дар Тоҷикистон кору фаъолият доранд баргузор мешавад. Ин вохури 30 март дар Донишгоҳи Аграрӣ ба номи Шириншоҳ Шоҳтемур доир мегардад.
