35.9 C
Dushanbe

ФАВРӢ: Ҷузъиёти тоза дар қазияи Иззат Амон аз забони вакили мудофеаш (Садо)

Имрӯз 30 март вакили мудофеи Иззат Амон Кирилл Жаринов Георгиевич дар суҳбат бо “Аздо тв” гуфт, Холов И.А, ки ҳукумати Тоҷикистон иддао карда ин ном Иззат Амон (Холов Иззатулло Амонович) мебошад, он кас нест. Холов И.А умуман дигар нафар аст.

Ӯ гуфт: “Имрӯз ман дар Додгоҳи Тверской ш. Маскав будам ва худам бо парвандаи Холов.И.А ошно шудам ва парвандаи ӯро ба ман нишон доданд. Маълум гашт, ки ин Холов И.А Иззат Амон ( Холов Изатулло Амонович) нест ва хеле ҷавонтар аз Иззат Амон мебошад. Ному насаби дигар дорад ва танҳо аввали ҳарфи ному насабаш бо ному насаби Иззат Амон шабоҳат дорад ва ин як тасодуф аст. Дар Додгоҳи Тверской ш. Москав таъйид карданд, ки парвандаи Холов Изатулло Амонович ҳаргиз дар ин додгоҳ баррасӣ нашудааст ва аз чунин парвандае онҳо хабар надоранд. Ин маълумоти дақиқ аст, вале ман наметавонам маълумоти Холов И.А-ро расонаӣ кунам, чун вакили мудофеи ӯ нестам”.

Вакили мудофеи Иззат Амон дар идома афзуд, “эҳтимолан ВКД-и Тоҷикистон маъуломтро дар вебгоҳи Додгоҳи Тверской дида ё чун мо фикр карданд ин шахс Иззат Амон аст ё бардуруғ онро ба Иззат рабт доданд”.

Ӯ дар охири суҳбаташ гуфт, “ҳеҷ додгоҳе ҳукми ихроҷи Холов Изатулло Амоновичро аз Русия содир накардааст ва ҳукми ихроҷи ӯ вуҷуд надорад”.

Ин дар ҳолест, ки Вазорати корҳои дохилаи Тоҷикистон рӯзи 27 март гузориш дода буд, ки Иззат Амон, фаъоли сиёсӣ ва ҳомии ҳуқуқи муҳоҷирон бо қарори Додгоҳи Тверской шаҳрвандияш лағв ва ба Тоҷикистон истирдод шудааст. Пас аз он дар Душанбе аз ҷониби ин ниҳод боздошт шуд.

ВКД як рӯз қабл аз ин, 26 март аз оғоз шудани парвандаи ҷиноятӣ нисбати Иззат Амон бо моддаи 247, қ.4 Кодекси ҷиноятии Ҷумҳурии Тоҷикистон (қаллобӣ) хабар дода буд.

Тибқи ин парванда ВКД ӯро дар ҷустуҷӯи расмӣ қарор дод. Субҳи рӯзи 27 гуфта шуд, ки Иззат Амон дар шаҳри Душанбе аз тарафи кормандони мақомоти корҳои дохилӣ дастгир ва ба ҳабси пешакӣ гирифта шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.