33.9 C
Dushanbe

Як муҳоҷири тоҷикро аз Русия барои 30 сол ихроҷ карданд

Дар Якутия шаҳрвандии як муҳоҷир аз Тоҷикистон лағв карда шуд. Дар ин бора ТАСС бо такя ба Хадамоти матбуоти ФСБ Русия хабар дод.

Бино ба иттилои ин расона, ин муҳоҷир марди 47-сола буда, ҳангоми пешниҳоди ҳуҷҷатҳо ба Хадамоти муҳоҷират маълумоти бардурӯғ додааст.

Ҳанӯз ӯро моҳи апрел дастгир намуда дар боздоштгоҳи муваққатии шаҳрвандони хориҷӣ нигоҳ дошта, сипас ба Тоҷикистон ихроҷ кардаанд.

ФСБ-и Русия гуфтааст, ки ин мард дар замони ҷанги шаҳрвандӣ дар Тоҷикистон дар канори гурӯҳҳои исломӣ меҷангид.

Ба иддаои кормандони мақомоти ҳифзи ҳуқуқ, ин мард кӯшиш кардааст, ки шахсияти худро пинҳон кунад, зеро аз ҷавобгарии ҷиноятӣ дар Тоҷикистон метарсид. Ба ҳамин хотир бо додани маблағ шиносномаи миллии худро бо маълумоти нави шахсияташ иваз кардааст.

Дар баробари маҳрум намудан аз шаҳрвандии Русия ва ихроҷ, вуруди ин муҳоҷирро ба Русия барои 30 сол манъ кардаанд.

Шахсияти ин шаҳрванди Тоҷикистон ошкор нашудааст ва назари ӯ то ҳол дастраси расонаҳо нагардидааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.