Сатҳи баландтарини сироятёбӣ ба коронавируси SARS-CoV-2 дар Олимпиадаи Токио-2020 ба қайд гирифта шуд.
Дар давоми 24 соат 29 нафаре, ки дар Бозиҳои олимпӣ иштирок доштанд, ба он сироят ёфтаанд. Дар ин бора рӯзи 4- август дар гузорише дар сомонаи кумитаи тадорукоти Токио-2020 нашр шудааст, менависад DW.com.
Дар байни мубталоён ба коронавирус 4 варзишгар низ ҳастанд. Шумораи умумии нафароне, ки дар мусобиқа иштирок кардаанду ба коронавирус гирифтор шудаанд, ба 322 нафар расид.
Бинобар бад шудани вазъи эпидемиологӣ дар Токио, режими фавқулодда то 31 август тамдид карда шуд. Дар он аз ҷумла, манъи фурӯши машрубот дар муассисаҳои хӯроки умумӣ ва маҳдуд кардани қабули тамошобинон ба чорабиниҳои оммавӣ пешбинӣ шудааст. Худи Олимпиада дар пойтахти Ҷопон бидуни тамошобин мегузарад.
