Сурат: olympic.tj
Тоҷикистонро дар Бозиҳои паралимпӣ Акмал Қодиров дар варзиши сабуки намуди гулулапартоӣ намояндагӣ мекунад.
Бино ба иттилои Кумитаи олимпии кишвар дар баробари Акмал Қодиров, мураббиаш Зокирҷон Комилов ва раҳбари ҳайат Сиёвуш Илёсов ба Токио мераванд.
Бозиҳои паралимпӣ аз 24-уми август то 5-уми сентябри соли ҷорӣ дар пойтахти Ҷопон шаҳри Токио баргузор мегардад.
Дар Бозиҳои паралимпӣ дар Токио варзишгарон дар 22 намуди варзиш рақобат хоҳанд кард, аз ҷумла камонварӣ, варзиши сабук, велосипедронӣ, футбол, ҷудо, пауэрлифтинг ва ғайра.
Дар маҷмӯъ 4 ҳазору 400 варзишгар аз 136 Кумитаи миллии паралимпӣ барои 540 маҷмӯи медалҳо бо ҳам рақобат мекунанд.