Ғайб задани роҳпуливу нонпулии донишҷӯён

Гурӯҳе аз донишҷӯёни Донишгоҳи славянии Русияву Тоҷикистон (ДСРТ) аз беадолатие, ки нисбати онҳо дар “маршировка” сурат гирифтааст, шикоят мекунанд.

Ба навиштаи ин донишҷуён, ки шикоятномаашон дар гурӯҳи фейсбукии “

Ба Аздо ТВ муяссар нашуд, ки бо масъулини ДСРТ ҳамсуҳбат шавад ва назари онҳоро бигирад. Дар қабулгоҳи Ректор ба мо гуфтанд, ки Ректор дар ҷойи кориаш ҳузур надорад.  Ҳамчунин гуфтанд, ки масъулияти маршировка дар ДСРТ ба проректори тарбиявӣ вогузор шудааст. Дар қабулгоҳи проректор дар суҳбат ба Аздо ТВ гуфтанд, ки проректор оид ба тарбия дар ҷаласа қарор дорад ва ҳангоми тамосҳои пай дар пай касе нахост дар ин донишгоҳ бо мо суҳбат кунад ва асли воқеаро шарҳ диҳад.

Ҳамасола бахшида ба ҷашнҳои давлатӣ дар Тоҷикистон маршировка бо иштироки донишҷуён баргузор мегардад. Садҳо донишҷӯёни донишгоҳҳои Душанбе ва мактабҳои миёна низ соли нави таҳсилро дар маршировка оғоз мекунанд. Имсол ба муносибати таҷлил аз 30-солагии Истиқлолияти давлатии Тоҷикистон, ки қарор аст рӯзи 9-уми сентябр баргузор шавад, садҳо донишҷӯ ва муҳассили мактабҳои миёна омодагӣ мебинанд.

Чанд нафар аз иштирокчиёни ин маршировка дар суҳбат ба мо гуфтанд, ки интихоби онҳо аз ҷониби раҳбарияти донишгоҳҳо сурат гирифта, ҷалби онҳо ба раҳмоймоӣ маҷбурӣ будааст.

Ҳамзамон корбарони шабакаҳои иҷтимоӣ иддаъо доранд, ки дар асл маблағ барои роҳкирои донишҷӯён ҷудо шудааст, вале чун раёсати донишгоҳ фасодзада аст, пули донишҷӯёнро надоданд.

Гуфта мешавад ҳудуди 200 нафар аз донишҷӯёни ДСРТ ба ин маршировка ҷалб шудаанд, агар ин адад дуруст бошад пас ҳангоми тақсими роҳпулӣ ба донишҷӯён ҳудуди 60 ҳазор сомонӣ ғайб задааст. Бо ин вуҷуд ҳануз маълум нест, ки Агентии зидди фасод таҳқиқи ин қазияро оғоз кардааст ё не.