31.9 C
Dushanbe

Собянин: алайҳи муҳоҷирони ғайриқонунӣ чораҳои шадидро идома бидиҳед

Сергей Собянин, шаҳрдори Маскав гуфт, ки барои муқобила бар зидди авбошӣ ва нақзи қонуни муҳоҷират бояд чораҳои шадид идома ёбад. Ӯ инчунин таъкид кард, ки муҳоҷирони ғайриқонунӣ аз кишвар ихроҷ ва вурудашон ба Русия манъ шавад. Вай қайд кард, ки ин чунин таҷриба идома хоҳад ёфт.

Сурат: kp.ru

Дар пойтахт ва дар Русия барои онҳое, ки қонунҳои муҳоҷиратро вайрон мекунанд, ҷой нест. Ин гуфтаҳоро шаҳрдори Маскав Сергей Собянин рӯзи 8-уми сентябр дар як мусоҳибаи ихтисосӣ бо “Комсомолская правда” изҳор доштааст.

Ба гуфтаи Собянин, ҳеҷ кас ба кишвар омадани муҳоҷиронро барои кор манъ намекунад, аммо онҳо бояд тартиботи ҷамъиятиро риоя кунанд.

Дар мавриди авбошӣ, вайрон кардани қонунҳои муҳоҷират, танҳо як роҳ вуҷуд дорад – ҷазо додан, хориҷ кардан аз кишвар ва манъи вуруди онҳо ба Русия, – қайд кард Собянин.

“Ҳамин ки мо сахтии вазъиятро эҳсос кардем, фавран ба чораҳои қатъӣ барои боздошт, оғоз кардани парвандаҳои ҷиноӣ, хориҷ кардан, манъи вуруд ва ғайраро шурӯъ кардем. Мо ин амалро идома медиҳем. Лутфан агар мехоҳед кор кунед, биёед ва кор кунед, аммо ба тартиботи ҷамъиятиро вайрон накунед ниёзе нест.”

Дар идомаи мусоҳибааш Собянин зикр кард, ки мушкилоти норасоии нерӯи корӣ дар шаҳр боқӣ мемонад. Чун ҳамасола ҳаҷми кор дар пойтахт зиёд мешавад. Шумораи муҳоҷирон аз соли 2019, ки тақрибан 430 ҳазор буд то ҳамин сол теъдод боқист, – гуфт шаҳрдор.

“Ин камчин ба эҳтимоли зиёд на аз сабаби кам шудани муҳоҷирон, балки аз он сабаб аст, ки мо аллакай лоиҳаҳои зиёди сохтмон дорем. Солҳои пеш ба ҳисоби миёна ба истифода додани манзил тақрибан 3 миллион метри мураббаъ буд. Дар давоми ду соли охир мо зиёда аз 5 миллион метри мураббаъро ба истифода додем ва ҳоло ба 6 миллион наздик шуда истодаем, яъне ҳаҷми манзил ду баробар афзудааст. Мувофиқи ин, лоиҳаҳои сохтмон зиёданд ва қувваи кории бештар лозим аст.”

Маврид ба ёдоварист, ки рӯзи 6-уми сентябр дар Одинтсовои назди Маскав занозании оммавӣ бо иштироки тақрибан 20 муҳоҷир сурат гирифт ва баъдан маълум гашт, ки занозанӣ дар деҳаи Усово-Тупик дар наздикии хонае дар шоҳроҳи Рублево-Успенское рух додааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.